Toys R Us se deure sluit finaal in VSA

Toys R Us gaan sy deure in die VSA ná 70 jaar finaal sluit, maar Suid-Afrikaanse winkels bly oop vir sake.Reuters berig dat die speelgoedwinkelgroep nie daarin kon slaag om miljarde dollar se skuld te herstruktureer nie. Die groep kon ook nie ’n koper kry om hom oor te neem nie.Dit beteken 735 winkels maak toe, wat nagenoeg 30 000 mense sonder werk laat. Die Britse filiaal van Toys R Us is vroeg in Maart in likwidasie geplaas omdat hy steeds van sy Amerikaanse moedermaatskappy afhanklik is.Dave Brandon, uitvoerende hoof van Toys R Us, het aan Reuters gesê: “Dis ’n baie hartseer dag vir ons, sowel as vir die miljoene kinders en gesinne wat ons die afgelope 70 jaar bedien het.”Toys R Us is die slagoffer van die omwenteling in speelgoed, met kinders wat elektroniese toestelle verkies. Boonop koop al hoe meer mense speelgoed aanlyn.Toys R Us is in 2005 vir US$6,6 miljard deur ’n groep private-ekwiteitsfirmas gekoop, maar het gesukkel om sy skuld te delg.Daar is steeds die kans dat sowat 200 van die Amerikaanse winkels met die maatskappy se Kanadese filiaal gaan saamsmelt, berig Reuters.Winkels in Asië en Europa – waaronder Duitsland, Oostenryk en Switserland – gaan geherstruktureer of verkoop word.Die sluiting van Toys R Us is ’n enorme slag vir speelgoedvervaardigers soos Mattel, Hasbro en Lego.Mattel en Hasbro se aandeelprys het verlede week skerp geval nadat daar die eerste keer oor Toys R Us se likwidasie berig is. Nagenoeg 10% van albei dié maatskappye se verkope kom van Toys R Us, volgens hul 2016-jaarstate.Nicole Annells, woordvoerder van Toys R Us in Suid-Afrika, het voorheen gesê Amic Trading, wat as Toys R Us en Babies R Us Southern Africa hier sake doen, is ’n private en onafhanklike maatskappy. Die maatskappy bedryf sake met ’n lisensie en het geen ander verbintenis met internasionale vennote nie. – Netwerk24/Reuters

Toys R Us se deure sluit finaal in VSA

Kommentaar

Republikein 2026-01-13

Meld asseblief aan om kommentaar te lewer

Toys R Us se deure sluit finaal in VSA

Kommentaar

Republikein 2026-01-13

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.