Totsiens, Shannon
Roubeklaers het Vrydag- en Saterdagaand in Walvisbaai byeengekom om me. Shannon Wasserfall finaal te groet.
Leandrea Louw op Walvisbaai – Roubeklaers het Saterdag in groot getalle opgedaag om finaal van me. Shannon Wasserfall (21) op Walvisbaai afskeid te neem.
Sy is in April vanjaar as vermis aangemeld en haar oorskot is op 6 Oktober in ’n vlak graf tussen die duine naby dié kusdorp ontdek.
Twee verdagtes is in hegtenis geneem en het reeds in die hof verskyn. Me. Azaan Madisia (28) en haar broer, mnr. Steven Mulundu (22), staan tereg op klagte van moord en dwarsboming van die gereg.
’n Gedenkdiens vir Wasserfall is Vrydagaand by die Narraville-rugbystadion gehou.
Shannon se ma, me. Poppie Wasserfall, het gesê geen woorde kan beskryf hoe sy voel nie.
“Jy was die lig van my lewe, my rots. Die lewe is koud en ek is beslis nie dieselfde sonder jou nie. Ek wens ons kon meer tyd saam hê. My hart is elke dag seer, die pyn sal nooit weggaan nie, maar ek vind troos by God. Ek sien jou glimlag in jou seuntjie, Junior.”
Haar pa, mnr. Tega Mathews, het gesê Shannon was sy sonskyn.
“Ek was só trots op haar. Ons is baie dankbaar vir die steun wat ons vanoor die land ontvang het. Ek het gedink sy sou 'n normale, gelukkige lewe hê.”
Die adjunkminister van inligting, kommunikasie en tegnologie, me. Emma Theofelus, het gesê dit is jammer dat 'n jong lewe kortgeknip is.
“Dié verlies volg op ’n lang lys van meisies en vroue wie se lewens ook deur geweld beeïndig is. Shannon is nie die eerste slagoffer van geweld nie. Ek bid elke dag dat sy die laaste sal wees, maar ongelukkig is baie vroue in ons land nog onveilig. Hierdie kwessie raak almal van ons.”
Theofelus het gesê dit is uiteindelik die jong generasie se verantwoordelikheid om dié neiging van geweld te beëindig.
“Ons moet bewus wees van kwessies oor geweld in ons gemeenskappe. Mag geregtigheid seëvier, want haar dood sal nie tevergeefs wees nie.”
Shannon se begrafnis het Saterdag uit die Rooms-Katolieke kerk in Kuisebmond plaasgevind.
“Ek sal nooit kan sien hoe sy ’n vrou word nie. Nou moet ek langs haar kis staan en van haar afskeid neem. Geen ouer wil sy kind begrawe nie,” het mnr. Neville Andre, Shannon se peetpa en goewerneur van die Erongostreek, gesê.
“Sy was pure sonskyn in ons lewens.” Die goewerneur het gesê Shannon se dood sal vir jare soos ’n donker wolk oor Walvisbaai en sy inwoners hang.
Mnr. Raymond Wasserfall het namens die familie gesê dat hulle die oortreders vergewe wat Shannon van hulle weggeneem het, maar dat geregtigheid moet geskied.
- [email protected]
Sy is in April vanjaar as vermis aangemeld en haar oorskot is op 6 Oktober in ’n vlak graf tussen die duine naby dié kusdorp ontdek.
Twee verdagtes is in hegtenis geneem en het reeds in die hof verskyn. Me. Azaan Madisia (28) en haar broer, mnr. Steven Mulundu (22), staan tereg op klagte van moord en dwarsboming van die gereg.
’n Gedenkdiens vir Wasserfall is Vrydagaand by die Narraville-rugbystadion gehou.
Shannon se ma, me. Poppie Wasserfall, het gesê geen woorde kan beskryf hoe sy voel nie.
“Jy was die lig van my lewe, my rots. Die lewe is koud en ek is beslis nie dieselfde sonder jou nie. Ek wens ons kon meer tyd saam hê. My hart is elke dag seer, die pyn sal nooit weggaan nie, maar ek vind troos by God. Ek sien jou glimlag in jou seuntjie, Junior.”
Haar pa, mnr. Tega Mathews, het gesê Shannon was sy sonskyn.
“Ek was só trots op haar. Ons is baie dankbaar vir die steun wat ons vanoor die land ontvang het. Ek het gedink sy sou 'n normale, gelukkige lewe hê.”
Die adjunkminister van inligting, kommunikasie en tegnologie, me. Emma Theofelus, het gesê dit is jammer dat 'n jong lewe kortgeknip is.
“Dié verlies volg op ’n lang lys van meisies en vroue wie se lewens ook deur geweld beeïndig is. Shannon is nie die eerste slagoffer van geweld nie. Ek bid elke dag dat sy die laaste sal wees, maar ongelukkig is baie vroue in ons land nog onveilig. Hierdie kwessie raak almal van ons.”
Theofelus het gesê dit is uiteindelik die jong generasie se verantwoordelikheid om dié neiging van geweld te beëindig.
“Ons moet bewus wees van kwessies oor geweld in ons gemeenskappe. Mag geregtigheid seëvier, want haar dood sal nie tevergeefs wees nie.”
Shannon se begrafnis het Saterdag uit die Rooms-Katolieke kerk in Kuisebmond plaasgevind.
“Ek sal nooit kan sien hoe sy ’n vrou word nie. Nou moet ek langs haar kis staan en van haar afskeid neem. Geen ouer wil sy kind begrawe nie,” het mnr. Neville Andre, Shannon se peetpa en goewerneur van die Erongostreek, gesê.
“Sy was pure sonskyn in ons lewens.” Die goewerneur het gesê Shannon se dood sal vir jare soos ’n donker wolk oor Walvisbaai en sy inwoners hang.
Mnr. Raymond Wasserfall het namens die familie gesê dat hulle die oortreders vergewe wat Shannon van hulle weggeneem het, maar dat geregtigheid moet geskied.
- [email protected]
Kommentaar
Republikein
Geen kommentaar is op hierdie artikel gelaat nie