Toptwee met FIFA-vernuf gesoek

Die Namibiese Elektroniese Sportvereniging (NESA) bied komende Saterdag die nasionale kampioenskap vir 2017 in die rekenaarspeletjie FIFA aan. Dit begin vanaf 10:00 by Bauern Stube familierestaurant.Ná die wedstryde, wat beloof om opwindend te wees, sal dit bekend wees wie NESA se twee kandidate vir nasionale kleure in die rekenaarspeletjie FIFA op PlayStation4 sal wees.Die twee spelers sal Namibië in internasionale wedstryde teen lande soos Ghana en Suid-Afrika verteenwoordig.In 2016 was Ricky Tjiueza en John Walenga die land se nasionale spelers in FIFA.NESA het vanjaar reeds twee kwalifiserende byeenkomste aangebied waar 16 Namibiese spelers tot die eindtoernooi deurgedring het.By die eerste toernooi aan die einde van April het Conrad Nampolo (27) derde klaargemaak, Tuamona Uaandja (15) tweede en die 14-jarige John Walenga was die wenner.Drie naweke gelede is die volgende toernooi gehou waar Ricky Tjueza (19) die derde plek opgeëis het. Anthony Wilson (26) was die naaswenner, met John Walenga opnuut die kampioen.Die eindtoernooi sal bestaan uit 'n dubbele uitskakelingsformaat om die twee beste spelers te bepaal. Medaljes en nasionale kleure word oorhandig, soos goedgekeur en ondersteun deur die Namibiese Sportkommissie.NESA nooi die publiek om die 16 spelers te ondersteun wat sake uitspook om Namibië se topspeler in FIFA te word.Vir meer inligting kan Flip de Bruyn by 081 141 5100 gekontak word.

Toptwee met FIFA-vernuf gesoek

Kommentaar

Republikein 2025-07-03

Meld asseblief aan om kommentaar te lewer

Toptwee met FIFA-vernuf gesoek

Kommentaar

Republikein 2025-07-03

Meld asseblief aan om kommentaar te lewer

MELD AAN

Advertensie