Tokio 2020: Junias veg nie Sondag

23 July 2021 | Sport
Die bokser Junias Jonas sal Sondag net ’n toeskouer wees wanneer die ander liggewigte (57-63 kg) mekaar in die eerste ronde van die Tokio 2020 Olimpiese Spele begin uitskakel.
Die bekroonde Namibiese vegter is een van drie wat te danke aan hul gunstige keuring ’n loslootjie verdien het toe die rondte van 32 se gevegte vir komende Sondag opgestel is.
Jonas – die kampioen van die 2018 Statebondspele en vlagdraer by vandag se openingseremonie in Tokio se nasionale stadion tesame met die roeier Maike Diekmann – sal dus eers op die volgende kompetisiedag vir hierdie gewigsklas (Saterdag 31 Julie) in aksie wees.
Jonas (tweede gekeur), Andy Cruz van Kuba (derde gekeur – wenner van die 2019 wêreldkampioenskap in Rusland asook Pan-Amerikaanse kampioen van 2019) en die topgekeurde Fransman Sofiane Omiha (Olimpiese silwerwenner in Rio 2016; wêreldkampioen in 2017 in Duitsland) is die drietal wat loslootjies het.
Die Namibiër sal gedurende Sondag se aksie kan aanskou hoe John Ume (Papoea-Nieu-Guinee) teen Harry Garside (Australië) opgeweeg word om te bepaal wie sy opponent in die ronde van 16 sal wees.
Ume teen Garside is vir Sondag om 12:54 Namibiese tyd (19:54 in Japan) geskeduleer.
Jonas se openingsgeveg op Saterdag 31 Julie is vir 18:51 in Tokio (11:51 Namibiese tyd) bestem.

FOTO’s deur Anna-Mart Kruger en die Namibiese Nasionale Olimpiese Komitee

Soortgelyk

 

Mariental-hospitaal kry suurstofaanleg

2 ure gelede | Gesondheid

Die Mariental-hospitaal het 'n skenking van N$7 miljoen van Namib Desert Diamonds (Namdia) ontvang. Die omgewingsvriendelike suurstofaanleg met 'n kapasiteit van 500 liter wat aan...

Kleuter sterf ná pot kookwater op hom val

2 ure gelede | Misdaad

'n Driejarige seuntjie van Mondesa, Swakopmund, is Sondag dood, nadat sy boetie (5) 'n pot kookwater op hom afgetrek het. Volgens die polisie in die...

Bordjies verhang in Duitse verkiesing

8 ure gelede | Internasionaal

Die Sosiaal-demokratiese Party (SPD) het volgens voorlopige uitslae gister se algemene verkiesing in Duitsland met 25,7% van die stemme gewen.Dit beteken egter nie mnr. Olaf...

Klein, maar getrain

15 ure gelede | Landbou

William Klazen junior (5) van Windhoek is gister aangewys as die beste kindertouleier by die Windhoek Skou in die afdeling vir nul tot ses jaar....

Tragedie tref ná rugbywedstryd

15 ure gelede | Plaaslik

Andrew Poolman – Die tragiese heengaan van Edwardo Nell kort ná ’n rugbywedstryd Saterdag is vir FNB Wanderers-klub en die rugbygemeenskap ’n diepe skok.“Ons is...

Nida probeer kraaines oor geldsake ontrafel

15 ure gelede | Ministeries

Jo-Maré Duddy – Die agentskap vir nywerheidsontwikkeling in Namibië (Nida) is besig om ‘n regsmening in te win oor sy wetlike verpligting om die mediesefondsbydraes...

Rowers buit byna ’n miljoen in Walvisbaai

15 ure gelede | Misdaad

Dani Booysen en Erongo-redaksie – Die Namibiese polisie het bevestig gewapende rowers het Saterdagoggend by Pupkewitz MegaBuild in Walvisbaai N$943 616,84 gesteel.Vyf mans – twee...

Naweekpret by ‘motorhuismark’

15 ure gelede | Gebeure

Windhoek Express (WE) se eerste Garage Market het Saterdag plaasgevind. Markgangers kon verskeie stalletjies met handgemaakte items en produkte deur plaaslike entrepreneurs besoek, musiek luister...

Weer vir 27 September 2021

15 ure gelede | Weer

BINNELAND: Gedeeltelik bewolk en warm in die //Kharas-, Kunene- en Khomasstreke. Elders gedeeltelik bewolk en baie warm.KUS: Gedeeltelik bewolk en matig met buie in die...