Toerspanne vier maande vooraf bekend

Andrew PoolmanHoewel amper vier maande nog voorlê, het die Namibiese Hokkie-unie, in samewerking met die Namibiese Sportkommissie, reeds sy nasionale mans- en vrouespanne aangekondig wat die land by die Internasionale Hokkiefederasie (FIH) se Binnenshuise Wêreldbeker van 2-6 Februarie 2022 in Liège, België, sal verteenwoordig.Covid-19 se invloed op wêreldsport – met strenger visumvereistes en tyd vir volledige inentings as 'n oorweging – tel as 'n bykomende oorweging van die protokol waarom die toerspan reeds nou aan die FIH bekendgemaak moes word. Boonop mag daar nie oorvleueling wees tussen spelers in die Binnenshuise Wêreldbekerspan en die Afrika-veldhokkiekampioenskap, wat in Januarie in Ghana aangebied word nie.Afrigter Trevor Cormack se MTC Namibiese manspan is by die Wêreldbeker in groep B geplaas saam met die topspanne spanne op die FIH se binnenshuise wêreldranglys Duitsland (2de), Iran (3), Nederland (7), België (8) en die VSA (18). Namibië is tans op nommer 16.Die manspan se spanbestuurder, me. Mary Hansen, sê: “Ons span se gemiddelde ouderdom is 'n fraksie oor 21 jaar en die jongste speler is 17. As 'n span het ons sover altesaam 148 internasionale wedstryde in binnenshuise hokkie – gemiddeld 12,33 per speler.“Die manspan sal vanaf November sy WB-voorbereiding ernstig verskerp, met al ons buitelandse spelers wat na verwagting in Namibië by die res van die span sal aansluit.“Ons voorbereidings sal plaaslike oefenkampe in Windhoek en Swakopmund insluit, en twee internasionale toetsreekse voor die IWC - teen Suid -Afrika in Kaapstad, Desember 2021 en teen Nederland in Almere, Januarie 2022. Die MTC Namibiese Binnenshuise Wêreldbeker manspan na België, met hul truinommers:1 David Jacobus (DJ) Strauss (kaptein, DTS), 30 jaar, 33 wedstryde2 Richter van Rooyen (doelwagter, Saints), 18 jaar, 4 wedstryde13 Ernest Jacobs (onderkaptein, Whk Old Boys) 25 jaar, 23 wedstryde12 Dakota Hansen (Saints, tans in Nederland), 21 jaar, 14 wedstryde10 Nico Neethling (DTS), 19 jaar, 5 wedstryde9 Cody van der Merwe (Saints, tans in RSA), 20 jaar, 10 wedstryde8 Fagan Hansen (DTS, tans in RSA), 18 jaar, 10 wedstryde7 Brynn Cleak (Saints, tans in RSA), 29 jaar, 20 wedstryde 6 David Britz (Saints), 18 jaar, 5 wedstryde5 Liam Hermanus (Saints, tans in Nederland), 20 jaar, 14 wedstryde4 Owen Hatton (Saints, tans in RSA), 18 jaar, 5 wedstryde3 John-Paul Britz (DTS, tans in RSA), 17 jaar, 5 wedstryde Die MTC Namibiese Binnenshuise Wêreldbeker vrouespan:Magreth Mengo (kaptein, DTS), 56 wedstrydePetro Stoffberg (doelwagter, DTS, 39 wedstrydeBerencia Diamond (doelwagter, School of Excellence), 9 wedstrydeSunelle Ludwig (onderkaptein, Saints), 26 wedstrydeGillian Hermanus (Saints), 30 wedstrydeAzaylee Philander (Saints), 10 wedstrydeCaitlin Gillies (DTS), 5 wedstrydeJivanka Kruger (Whk Old Boys), 5 wedstrydeKaela Schimming (Whk Old Boys), 5 wedstrydeArmin van Staden (Whk Old Boys), nuweling.Danja Meyer (Saints), 5 wedstrydeJaimie Gillies (DTS), nuweling.Die nie-reisende reserwes is Tara Myburgh, Anthea Coetzee, Jaimie Henckert (doelwagter), Jahntwa Kruger en Britta Haensel.Afrigter: Erwin Handura. Spanbestuurder: Kimber le Roux.

Toerspanne vier maande vooraf bekend

Kommentaar

Republikein 2025-11-05

Meld asseblief aan om kommentaar te lewer

Toerspanne vier maande vooraf bekend

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.