Toerismesektor voor afgrond

Francoise Steynberg en Kristien Kruger“Die toerismesektor wag in spanning op ’n aankondiging oor oop grense vir buitelandse toeriste, maar dit sal nie vandag kom nie,” het die uitvoerende direkteur van die Gasvryheidsvereniging van Namibië (HAN), me Gitta Paetzold, gister gesê.Sy sê die proeftydperk van 15 Julie tot 15 Augustus vir oop grense vir buitelandse toeriste “gaan nie vandag gebeur” soos volgens die regering se voorstel nie.Geen besluit is glo nog geneem oor watter lande laerisikolande volgens Covid-19-regulasies is nie. Boonop sal glo geen vlugte van internasionale lugrederye voor September op die Internasionale Lughawe Hosea Kutako land nie.“Piekseisoen vir die toerismebedryf is Julie, Augustus en September. September is ons afsnytyd vir die heropening van die toerismesektor. Ná September is ons kanse al hoe minder om te herstel. Die toerismebedryf is op die rand van die afgrond,” verduidelik Paetzold“Ons vra dat ons ’n datum gegee word, want die onsekerheid maak dit baie moeilik. Elke dag wat ons moet wag, maak dit moeiliker om te beplan.”LUGHAWE GEREEDDie Namibië Lughawensmaatskappy (NAC) het Maandag genooide lede van die toerismebedryf en media op ’n toer deur die Internasionale Lughawe Hosea Kutakogeneem. Mnr. Bisey /Uirab, die NAC se uitvoerende hoof, en sy strategiese uitvoerende hoof van bedrywighede, mnr. Leonard Shipuata, het die groep deur die lughawe begelei.Die veranderinge om aan Covid-19-regulasies te voldoen, is uitgestal, asook die vordering van die konstruksiewerk wat die kapasiteit van die lughawe glo sal verdubbel. Die regering het ’n proeftydperk vanaf 15 Julie tot 15 Augustus ingestel waar die land se grense vir buitelandse toeriste oopgestel word. Die lughawe is gevolglik opgegradeer om dié mense te akkommodeer.Die NAC het ’n hervattingsplan (restart plan) voorberei wat die verskeie maatreëls uiteengesit het. Volgens /Uirab is dié plan ingestuur vir die Internasionale Lughawensraad (ACI) wat die plan beoordeel het. Die Namibiese plan was aangewys as die derde beste uit die twaalf wat uit Afrika ingestuur is.Volgens Shipuata kan die lughawe tans groepe van 110 mense op een slag inneem en steeds die protokol vir sosiale afstand nakom.Tydens die toer het Shipuata gewys dat vloermerkers, wat sosiale distansiëring aanwys, aangebring is. Om elke hoek en draai is handsaniteerders wat geen aanraking verg nie. Die saniteerders is toegerus met ’n sensor wat beweging optel en dan die saniteermiddel uitspuit.Die lughawe het ook by elke toonbank glasskerms as ’n afskorting aangebring. By toonbanke sal ook nie meer penne beskikbaar wees om vorms mee in te vul nie. “Ons wil mense aanraai om hul eie penne te bring om die vorms in te vul, of om die vorms reeds by die huis in te vul. Dit sal ook ’n opeenhoping vermy,” het Shipuata gesê.Hy het ook genoem dat hulle mense wil waarsku om vroeër lughawe toe te kom omdat die vereiste prosesse langer as in die verlede sal duur.Die direkteur van toerisme van die ministerie van die omgewing en toerisme, dr. Sem Shikongo, het by die geleentheid in ’n toespraak beklemtoon dat die toerismesektor groot getalle mense insluit – van kroegman en skoonmaker reg deur tot voertuigbestuurders, en dat hierdie mense, nes vele ander in die land, swaarkry. “In ons almal se harte is die vraag, ‘doen ons die regte ding’? Maar ons moet vra, ‘doen ons dit om die regte redes’?Hierdie is ’n proeftydperk waar ons hiervan kan seker maak. Ons kan kyk of dit werk en daarop verbeter, maar dit kan net gebeur as Namibiërs saamstaan met een gebed en een visie om ons maatskaplike ekonomiese ontwikkeling, ons kulturele integriteit en ons vreedsame demokrasie te beskerm.” - francoise@republikein.com.na– kristien@republikein.com.na

Toerismesektor voor afgrond

Kommentaar

Republikein 2026-07-23

Meld asseblief aan om kommentaar te lewer

Toerismesektor voor afgrond

Kommentaar

Republikein 2026-07-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.