Toeriste kry skok op Choberivier
Hoewel lede van die Botswana-weermag ’n Namibiese toergroep op ’n bootrit daarvan beskuldig dat hulle in Botswana se gebied was, bewys GPS-koördinate glo die bote was steeds in Namibië.
Ellanie Smit – Soldate van die Botswana-weermag (BDF) het 'n groep van 17 toeriste op ’n bootrit in die Zambezistreek aangesê om te “f **off” terwyl hulle militêre vuurwapens op hulle en hul twee skippers gerig het.
Die voorval het verlede Saterdag omstreeks 15:45 plaasgevind toe twee bote van die Chobe Camp River Lodge toeriste op 'n bootvaart op die Choberivier geneem het om wild te besigtig. Sewe Suid-Afrikaanse toeriste en tien Namibiërs, saam met die twee skippers, was aan boord.
Adj.komm. Evans Simasiku, die koördineerder van misdaadondersoeke in dié streek, het aan ons susterkoerant Namibian Sun gesê die groep is tydens die vaart deur drie BDF-soldate geroep, en hulle het na die oewer gevaar.
Volgens Simasiku is die groep gevra wat hulle in Botswana se waters doen, waarop die skippers geantwoord het hulle was in Namibië. Dit het tot die konfrontasie gelei en die soldate het 'n AK-47 uitgepluk, het Simasiku gesê.
“Die BDF het vir hulle gesê om te ‘f***off’ en die skippers het vir die toeriste gesê hulle moet eerder gaan.”
Simasiku het gesê die voorval is eers Sondag by die polisie aangemeld, toe die toeriste reeds vertrek het.
HANGENDE ONDERSOEK
Die Namibiese polisiehoof, lt.genl. Sebastian Ndeitunga, het die voorval bevestig en gesê hy het tot dusver slegs 'n mondelinge verslag ontvang. Hy wag steeds op 'n skriftelike verslag.
Volgens hom sal 'n senior beampte onderhoude voer, maar die betrokke toeriste het egter reeds vertrek. Albei skippers is ondervra.
Ndeitunga het gesê terwyl die BDF-soldate beweer die bote was in Botswana se waters, sê die skippers hulle was steeds in Namibië.
“Hierdie voorval moet deeglik ondersoek word en GPS-koördinate sal nodig wees om te bepaal presies waar die vaartuie was.”
Hy het benadruk wetstoepassers van buurlande moet hulle weerhou van gewelddadige optrede teenoor toeriste en eerder aan hulle wys hulle is welkom om die lande te geniet en te verken.
“Beamptes by die grense moet altyd vriendelik en beleefd teenoor toeriste optree. Hulle is niegewelddadige en vreedsame mense wat die natuur waardeer,” het hy gesê.
Ndeitunga het bygevoeg die voorval moet kalm hanteer word om 'n vreedsame oplossing te vind.
Intussen het Simasiku gesê ná die onderhoude is 'n finale verslag vir hersiening aan Ndeitunga gestuur. Hy het bygevoeg GPS-koördinate het bewys die bote was in Namibië.
– [email protected]
FOTO
Die Namibiese polisiehoof lt.genl. Sebastian Ndeitunga. Foto Nampa
Die voorval het verlede Saterdag omstreeks 15:45 plaasgevind toe twee bote van die Chobe Camp River Lodge toeriste op 'n bootvaart op die Choberivier geneem het om wild te besigtig. Sewe Suid-Afrikaanse toeriste en tien Namibiërs, saam met die twee skippers, was aan boord.
Adj.komm. Evans Simasiku, die koördineerder van misdaadondersoeke in dié streek, het aan ons susterkoerant Namibian Sun gesê die groep is tydens die vaart deur drie BDF-soldate geroep, en hulle het na die oewer gevaar.
Volgens Simasiku is die groep gevra wat hulle in Botswana se waters doen, waarop die skippers geantwoord het hulle was in Namibië. Dit het tot die konfrontasie gelei en die soldate het 'n AK-47 uitgepluk, het Simasiku gesê.
“Die BDF het vir hulle gesê om te ‘f***off’ en die skippers het vir die toeriste gesê hulle moet eerder gaan.”
Simasiku het gesê die voorval is eers Sondag by die polisie aangemeld, toe die toeriste reeds vertrek het.
HANGENDE ONDERSOEK
Die Namibiese polisiehoof, lt.genl. Sebastian Ndeitunga, het die voorval bevestig en gesê hy het tot dusver slegs 'n mondelinge verslag ontvang. Hy wag steeds op 'n skriftelike verslag.
Volgens hom sal 'n senior beampte onderhoude voer, maar die betrokke toeriste het egter reeds vertrek. Albei skippers is ondervra.
Ndeitunga het gesê terwyl die BDF-soldate beweer die bote was in Botswana se waters, sê die skippers hulle was steeds in Namibië.
“Hierdie voorval moet deeglik ondersoek word en GPS-koördinate sal nodig wees om te bepaal presies waar die vaartuie was.”
Hy het benadruk wetstoepassers van buurlande moet hulle weerhou van gewelddadige optrede teenoor toeriste en eerder aan hulle wys hulle is welkom om die lande te geniet en te verken.
“Beamptes by die grense moet altyd vriendelik en beleefd teenoor toeriste optree. Hulle is niegewelddadige en vreedsame mense wat die natuur waardeer,” het hy gesê.
Ndeitunga het bygevoeg die voorval moet kalm hanteer word om 'n vreedsame oplossing te vind.
Intussen het Simasiku gesê ná die onderhoude is 'n finale verslag vir hersiening aan Ndeitunga gestuur. Hy het bygevoeg GPS-koördinate het bewys die bote was in Namibië.
– [email protected]
FOTO
Die Namibiese polisiehoof lt.genl. Sebastian Ndeitunga. Foto Nampa
Kommentaar
Republikein
Geen kommentaar is op hierdie artikel gelaat nie