Toerismesektor aangeraai om in te ent

Francoise Steynberg – Die ministerie van die omgewing, bosbou en toerisme moedig werknemers in die toerismesektor aan om hulself teen Covid-19 in te ent.“Die Covid-19-virus het reeds die lewens van 638 Namibiërs en drie miljoen mense wêreldwyd geëis,” het die uitvoerende direkteur, mnr. Teofilus Nghitila, gister in ’n mediaverklaring gesê.“Die virus het ’n impak op die ekonomieë van alle lande gehad en die toerismesektor is die hardste getref, hoofsaaklik weens reisbeperkings.” Nghitila sê hy het reeds sy eerste inenting gehad en gaan Dinsdag sy tweede dosis kry.“Alhoewel die inentings vrywillig is, moedig die ministerie alle toerismewerkers aan om hul deel te doen en hul inentings te kry.” Nghitila sê die ministerie is van mening dat mense wat in die toerismesektor werk, is voorsteliniewerkers wat ’n hoë risiko vir blootstelling aan die virus het, omdat hulle in aanranking met kliënte van oraloor die wêreld kom. “Ons moet in ag neem dat die toerismesektor ’n hoogs mededingende sektor is en dat ons ons bronmarkte moet verseker dat Namibië ’n toeristebestemming is waar veiligheidsmaatreëls teen die pandemie in plek is,” het Nghitila gesê. “Veiligheid is nou van die grootste belang vir reisigers en toeriste,” het hy gemaan. Die uitvoerende direkteur sê vir die herlewing van dié sektor waar reuse- werks- en inkomste verliese was en besighede gesluit het, “moet ons beslissend in ons optrede wees en ’n sterk boodskap uitstuur dat ons bereid is om ons deel te doen”. Hy moedig alle werkgewers in die toerismebedryf aan om te verseker dat hul werknemers ingeënt word vir hul eie veiligheid, volhoubaarheid van die besigheid en vir ’n positiewe beeld aan besoekers. Me. Charlie Paxton van Shamvura Camp langs die Kavangorivier het laat weet dat ’n mobiele inentingspan hul personeel Dinsdag besoek het. “Die fantastiese span het ons besoek en alles mooi aan ons werknemers verduidelik en almal se vrae beantwoord. Die span was baie deeglik, professioneel, geduldig en het uitstekende werk gedoen,” het Paxton gesê. Sy het gesê die mobiele span sou ook al die nedersettings in die omgewing besoek en deur die hoofmanne werk. – francoise@republikein.com.naFOTOPersoneel van Shamvura Camp langs die Kavangorivier is Dinsdag ingeënt. Foto Facebook (Shamvura Camp)

Toerismesektor aangeraai om in te ent

Kommentaar

Republikein 2026-05-15

Meld asseblief aan om kommentaar te lewer

Toerismesektor aangeraai om in te ent

Kommentaar

Republikein 2026-05-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.