Toerismegroei laat vraag na wild styg

Dirk du Preez van die wildvangspesialiste Du Preez Wild by Otjiwarongo sê hy is verbaas oor die goeie vraag na wild vanjaar. Die droogte het verlede jaar boere se koopkrag onder druk geplaas, maar dit lyk asof belangstelling aan die toeneem is, sê hy.“Dit is te danke aan die positiewe groei in toerisme die afgelope paar jaar asook die feit dat Namibië van die voorste jagbestemmings geword het,” meen Dirk.“Die goeie reënval wat ons ontvang het die afgelope tyd, bevoordeel ook die vraag na goeie wild en Du Preez Wild is druk besig om diere reg oor die land af te lewer. “Daarom nooi ons boere en mense in die wildbedryf hartlik uit om ons veiling op 5 Mei by die Outjo Wildsfees op Sophienhof buite Outjo te kom bywoon en sommer net lekker saam met ons te kuier.”Dirk sê meer as 300 diere van 21 verskillende spesies sal tydens dié 15de katalogusveiling van die hand gesit word.Die hoogtepunte van die veiling wat om 12:00 afskop, sluit in drie wit renosters, van die beste bastergemsbok-genetika in die land, tien swartwitpense, 15 nyalas, 15 lechwes en twintig elande afkomstig vanaf die Waterberg.Alle ander vlaktewild sal ook aangebied word. Dirk verwag die jagbulle sal die topverkopers op die veiling wees.Du Preez Wild is in 1983 deur Dirk se legendariese ouma, Hannie du Preez, begin. Dit is die oudste wildvang-onderneming in die land.As wildvangspesialiste beskik hulle oor ’n gesoute grondspan, vyf vragmotors en vier helikopters en kan daarom in al die behoeftes van wildboere voorsien.

Toerismegroei laat vraag na wild styg

Kommentaar

Republikein 2025-11-04

Meld asseblief aan om kommentaar te lewer

Toerismegroei laat vraag na wild styg

Kommentaar

Republikein 2025-11-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.