Toerisme: Moet ons nie weer uitsluit

ELDRITCH FRASER SKRYF:Laat my asseblief toe om in die briewekolom van die Republikein my gedagtes uit te spreek oor die ontwikkelings in die toerismesektor die afgelope paar maande.Namibië, land van die dapperes, is ’n land met groot oop ruimtes, eindelose ongerepte en natuurlike skoonheidstonele en die tuiste van van die skaarste wildsoorte op aarde. Hierdie elemente lok natuurlik duisende toeriste uit meestal Europa, die Verenigde State, sowel as Asië; toeriste vir wie dit maklik bekostigbaar is om ons land te besoek. Veral in ag genome die waarde in vandag se tye van die Britse pond teen 21,47 Namibiese dollars, die euro teen 19,55 Namibiese dollars en die Amerikaanse dollar teen 16,67 Namibiese dollars.Aan die ander kant is daar natuurlik ons mede-Namibiërs, Namibiërs wat net kon aanskou hoe hierdie besoekers ons wildlewe en pragtige natuurtonele geniet het deur “lodges te besoek. Die daaglikse tariewe was buite die bereik van die meeste van ons mense.Skielik tref ’n sekere pandemie die wêreld en alles verander in so ’n mate dat die toerismebedryf op sy knieë gedwing word. Gedurende hierdie moeilike tye het die meeste lodges hul prysstruktuur aangepas, aangepas op so ’n manier wat dit vir baie van ons bekostigbaar en binne bereik gemaak het. Namibiërs het hierdie geleentheid aangegryp en hul dank en patriotisme aan hierdie lodge-eienaars betoon, in ’n tyd van nood, deur die meeste van hulle te besoek.Hierdie brief word dus gerig aan alle lodge-eienaars binne die grense van Namibië, om asseblief voort te gaan met hierdie praktyk van bekostigbaarheid, sodat ons as Namibiërs kan aanhou om julle te ondersteun en ook die natuurskoon van ons mooi land kan geniet.Sal dit nie vir beide lodge-eienaars sowel as mede-Namibiërs baat om twee prysstrukture op hul stelsel te laai nie? Een vir Namibiërs teen laer en bekostigbare pryse en ’n ander vir toeriste teen hoër pryse, hoër vir hulle, soos die norm was voor die pandemie, omdat hulle met hul sterker geldeenhede dit maklik kan bekostig.Iets om beslis oor na te dink.

Toerisme: Moet ons nie weer uitsluit

Kommentaar

Republikein 2025-05-13

Meld asseblief aan om kommentaar te lewer

Toerisme: Moet ons nie weer uitsluit

Kommentaar

Republikein 2025-05-13

Meld asseblief aan om kommentaar te lewer

MELD AAN

Advertensie