Toerisme: Minder as 2 uit 10 kamers beset
Die Gasvryheidsvereniging van Namibië meen die nuwe Covid-19-maatreëls wat pres. Hage Geingob gister aangekondig het, is aanvaarbaar vir die toerismebedryf.
Francoise Steynberg
Kamerbesetting van die Gasvryheidsvereniging van Namibië (HAN) se verblyfplekke vir November is minder as 13,5% teenoor die 56,4% verlede jaar die ooreenstemmende tyd.
“Dit is hartseer in vergelyking met die normale tye wat ons in 2019 gehad het. Die pad deur 2020 was ’n moeilike een, veral vir die toerismesektor,” sê die uitvoerende hoof van HAN, me. Gitta Paetzold, oor die jongste verslag van statistieke vir kamerbesettings in die toerismebedryf vir November.
Bedbesettings vir November was ’n skrale 11,3% teenoor November 2019 se 49,3%.
In November verlede jaar het 32 038 Duitsers en Oostenrykers by HAN se verblyfplekke tuisgegaan teenoor November 2020 se skrale 2 797. Dieselfde afwaartse neiging geld vir ander buitelandse toeriste, soos die 5 666 Franse in November 2019 teenoor slegs 238 Franse toeriste die ooreenstemmende tyd vanjaar.
Oor die nuwe Covid-19-maatreëls wat pres. Hage Geingob gister aangekondig het wat die toerismesektor raak, sê Paetzold dit is heeltemal aanvaarbaar “aangesien ons syfers styg”.
Die nuwe maatreëls behels dat kroeë, nagklubs, dobbelhuise en restaurante nou om 22:00 sluit. Tafels moet 2 meter ver van mekaar geplaas word.
“Ons hotelbedryf is in elk geval opgestel vir die maatreëls wat afstand betref en met die 22:00-afsluitingstyd kan ons ook werk,” meen Paetzold.
HAN doen ’n beroep op die publiek om verantwoordelik oor die feestyd op te tree.
2020 IN RETROSPEK
“Sedert die einde van Februarie het rolspelers in die toerismebedryf en regulerende liggame saamgewerk om deur die onvoorsiene tye te lei met die internasionale reisverbod wat middel Maart in werking getree het. Hoop het in Mei weer opgevlam met die gasvryheidsbedryf wat weer vir plaaslike reis oopgemaak het,” sê Paetzold.
“Sedertdien was daar baie laagpunte, hoogtepunte en heen en weer deur verskillende fases van Covid-19-beperkinge, die alkoholverbod en streekinperkings beweeg, waarna die toerismeherlewingsinisiatief in September van stapel gestuur is.”
Paetzold sê HAN, saam met ander verenigings van georganiseerde toerisme, die Namibië Toerismeraad (NTB), die ministerie van die omgewing, bosbou en toerisme en ander owerhede het intussen voorberei vir die post-Covid-tyd en ’n “nuwe normaal” waartydens toerismeveiligheidsprotokol opgestel is vir die herlewing van die toerismebedryf.
“Ons is dankbaar vir die heropening van die grense, die terugkoms van internasionale lugredery en die verwelkoming van internasionale reisigers na Namibië.
“Ek was gister op die lughawe en die vliegtuig was vol. Ons kry baie positiewe terugvoer van toeriste oor hoe Namibië ’n veilige en genotvolle vakansie bied,” beklemtoon Paetzold.
Sy doen ’n beroep op die gasvryheidsbedryf en die publiek om die maatreëls tydens die feestyd te volg en verantwoordelik op te tree, veral in openbare plekke – van lughawens, inkoopsentrums tot toeristetrekpleisters.
“Vermy byeenkomste, dra maskers en respekteer die maatreëls. Al die harde werk vir toerismeherlewing is op die spel. Ons as ’n land en nasie moet saamstaan om dit te laat werk,” sê Paetzold.
- [email protected]
Kamerbesetting van die Gasvryheidsvereniging van Namibië (HAN) se verblyfplekke vir November is minder as 13,5% teenoor die 56,4% verlede jaar die ooreenstemmende tyd.
“Dit is hartseer in vergelyking met die normale tye wat ons in 2019 gehad het. Die pad deur 2020 was ’n moeilike een, veral vir die toerismesektor,” sê die uitvoerende hoof van HAN, me. Gitta Paetzold, oor die jongste verslag van statistieke vir kamerbesettings in die toerismebedryf vir November.
Bedbesettings vir November was ’n skrale 11,3% teenoor November 2019 se 49,3%.
In November verlede jaar het 32 038 Duitsers en Oostenrykers by HAN se verblyfplekke tuisgegaan teenoor November 2020 se skrale 2 797. Dieselfde afwaartse neiging geld vir ander buitelandse toeriste, soos die 5 666 Franse in November 2019 teenoor slegs 238 Franse toeriste die ooreenstemmende tyd vanjaar.
Oor die nuwe Covid-19-maatreëls wat pres. Hage Geingob gister aangekondig het wat die toerismesektor raak, sê Paetzold dit is heeltemal aanvaarbaar “aangesien ons syfers styg”.
Die nuwe maatreëls behels dat kroeë, nagklubs, dobbelhuise en restaurante nou om 22:00 sluit. Tafels moet 2 meter ver van mekaar geplaas word.
“Ons hotelbedryf is in elk geval opgestel vir die maatreëls wat afstand betref en met die 22:00-afsluitingstyd kan ons ook werk,” meen Paetzold.
HAN doen ’n beroep op die publiek om verantwoordelik oor die feestyd op te tree.
2020 IN RETROSPEK
“Sedert die einde van Februarie het rolspelers in die toerismebedryf en regulerende liggame saamgewerk om deur die onvoorsiene tye te lei met die internasionale reisverbod wat middel Maart in werking getree het. Hoop het in Mei weer opgevlam met die gasvryheidsbedryf wat weer vir plaaslike reis oopgemaak het,” sê Paetzold.
“Sedertdien was daar baie laagpunte, hoogtepunte en heen en weer deur verskillende fases van Covid-19-beperkinge, die alkoholverbod en streekinperkings beweeg, waarna die toerismeherlewingsinisiatief in September van stapel gestuur is.”
Paetzold sê HAN, saam met ander verenigings van georganiseerde toerisme, die Namibië Toerismeraad (NTB), die ministerie van die omgewing, bosbou en toerisme en ander owerhede het intussen voorberei vir die post-Covid-tyd en ’n “nuwe normaal” waartydens toerismeveiligheidsprotokol opgestel is vir die herlewing van die toerismebedryf.
“Ons is dankbaar vir die heropening van die grense, die terugkoms van internasionale lugredery en die verwelkoming van internasionale reisigers na Namibië.
“Ek was gister op die lughawe en die vliegtuig was vol. Ons kry baie positiewe terugvoer van toeriste oor hoe Namibië ’n veilige en genotvolle vakansie bied,” beklemtoon Paetzold.
Sy doen ’n beroep op die gasvryheidsbedryf en die publiek om die maatreëls tydens die feestyd te volg en verantwoordelik op te tree, veral in openbare plekke – van lughawens, inkoopsentrums tot toeristetrekpleisters.
“Vermy byeenkomste, dra maskers en respekteer die maatreëls. Al die harde werk vir toerismeherlewing is op die spel. Ons as ’n land en nasie moet saamstaan om dit te laat werk,” sê Paetzold.
- [email protected]
Kommentaar
Republikein
Geen kommentaar is op hierdie artikel gelaat nie