Toer vir gimnas moontlik
Hilde-Marie Olivier, 'n belowende ritmiese gimnas, is opgeneem in die Namibiese span wat die suidelike buurland se bestes tydens die SA Spele gaan aandurf. Die jaarlikse geleentheid geskied van 25 tot 28 September in Durban. Olivier se reiskoste is deur NamSpire geborg. NamSpire skep geleenthede vir jong mense om blootstelling deur sporttoere, sportgeleenthede en oefengeleenthede te kry en het veral vir sy betrokkenheid by krieket- en hokkietoere bekend geword, maar beplan ook uitbreiding na meer sportkodes. Op die foto word NamSpire deur Dickson Vambe (regs, besturende direkteur) en JB Burger (finansiële adviseur) verteenwoordig. NamSpire het in dieselfde gees ook vroeër vanjaar tot die koste van 'n sportjoernalis, Joviita Kandjumbwa, se bywoning van die Afrika Vroue in Sport-beraad in Accra, Ghana bygedra. Foto verskaf
Kommentaar
Republikein
Geen kommentaar is op hierdie artikel gelaat nie