Toekennings van krag tot krag

Meer as 90 inskrywings is vanjaar vir die tweede aflewering van die Namibiese Toekennings vir Volhoubare Ontwikkeling (SDA's) ontvang.Inskrywings het meer as vervyfvoudig sedert die geleentheid in 2015 die eerste keer aangebied is.“Ons wêreld staar weens die agteruitgang van die omgewing, insluitende besoedeling en klimaatverandering, massiewe bedreigings in die gesig,” het mnr. Benedict Libanda, uitvoerende hoof van die Omgewingsbeleggingsfonds van Namibië (EIF), voor die toekenningseremonie benadruk.“Ons benodig optrede op elke vlak – van die plaaslike gemeenskap, sake-ondernemings en joernaliste tot wêreldwye toewyding – om hierdie gevare aan te spreek.” Volgens Libanda moet wenners se prestasies as 'n inspirasie dien en is leierskap op die gebied van volhoubare ontwikkeling belangriker as ooit.Toekennings is op 21 September tydens 'n glansdinee by die Windhoek Buitekluboord oorhandig.Ondernemings, individue en ander deelnemers het gesamentlike prysgeld van N$172 000 ontvang.Die toename in inskrywings en die betrokkenheid van verskeie bykomende borge is volgens me. Martha Naanda, vise-voorsitter van die Adviesraad vir Volhoubare Ontwikkeling (SDAC), uiters positiewe tekens. Sy het beklemtoon dat die toekennings verbreed is om groter maatskaplike en ekonomiese vraagstukke aan te spreek, soos vereis deur die Verenigde Nasies se Volhoubare Ontwikkelingsdoelwitte (SDG's).Nuwe kategorieë is vir SME's en die jeug geskep. Volgens Naanda is 'n belangrike doel met die toekennings om algemene bewustheid oor volhoubare ontwikkeling te bevorder.Rent-a-Drum, 'n baanbreker op die gebied van herwinning, het die groot prys losgeslaan vir die besigheid of staatsinstelling met die beste rekord as 'n gevestigde bydraer tot volhoubare ontwikkeling. Spesiale krediet is ook gegee aan Rent-a-Drum se vennootskap met Ohorongo Cement om die land se eerste brandstofaanleg te ontwikkel wat deur rommel aangedryf word.Die bekende Nkasa Lupala Lodge, geleë in een van die baie kanale van die Kwando-Linyanti-rivierstelsel in die Zambezistreek, was die naaswenner in hierdie kategorie. ANDER WENNERSBeste SME1ste Desert Secrets 2de Mbiri Natural SkincareBeste eko-entrepreneurskap beginnersbesigheid1ste Qora Trading 2de Fillipus Aitembo Bestuur en benutting van natuurlike hulpbronne1ste Namibia Future Farming Trust 2de Nakayale Private Akademie (die Dirk Mudge Trust se skool naby Etunda)Navorsing en ontwikkeling1ste Departement van Landbou- en Natuurlike Hulpbronwetenskappe, Namibiese Universiteit van Wetenskap en Tegnologie (Nust)2de Prof. Habauka Kwaambwa Jeug1ste Young Achievers Empowerment Project2de Alisa Volkmann JOERNALISTIEKGedrukte media1ste Absalom Shigwedha 2de Clemence Tashaya Radio1ste Kirsty Watermeyer (99FM) Sosiale media1ste Gondwana CollectionTelevisie1ste Blanche Goreses 2de Adolf KaureDie toekennings is aangebied deur die SDAC, Think Namibia en die Hanns Seidel-stigting. Die bykomende borge was Nedbank Namibia, Agribank, die Nasionale Kommissie vir Navorsing, Wetenskap en Tegnologie (NCRCT) en die Finse Ambassade.Namibia Media Holdings was die organiseerders se mediavennoot.

Toekennings van krag tot krag

Kommentaar

Republikein 2026-06-26

Meld asseblief aan om kommentaar te lewer

Toekennings van krag tot krag

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.