Toebehore in waarderende hande

Die skopbokser en gevegskunstenaar Delano Müller het reeds sy eerste skenkings oorhandig namate sy inisiatief van uitreiking momentum opbou.Die jong sportster van Walvisbaai doen steeds 'n beroep op goedhartigheid van die publiek om hom by te staan in die verspreiding van nuwe of gebruikte sporttoerusting onder jeugdiges.Müller, wat vir drie uit die laaste vier jare as Namibië se junior sportman van die jaar bekroon is, het reeds items insluitend 13 sokkerballe, sokkerskoene, handskoene vir doelwagters, 'n stophorlosie, 'n rugbybal en 'n gholfsak met 'n volledige stel gholfstokke onder jeugdiges op sy tuisdorp Walvisbaai versprei.Sommige hiervan was donasies, terwyl hy ook sokkerballe en die gholfstokke uit sy eie sak aangeskaf het.Müller se inisiatief is daarop gerig om sportdeelname toeganklik vir soveel mense as moontlik te maak. “Die land gaan deur 'n moeilike tyd en die jeug moet leer om saam te staan. Kom ons ondersteun en respekteer mekaar en staan as 'n eenheid teen die hindernisse voor ons.“Om die blydskap en waardering van die kinders te sien, het 'n gevoel in my hart geskep wat ek nog lank sal onthou.”Vir navrae of skenkings van sporttoerusting of -klerasie kan die Namibiese Skopboksfederasie by sel. 081 127 4711 bereik word.

Toebehore in waarderende hande

Kommentaar

Republikein 2025-06-17

Meld asseblief aan om kommentaar te lewer

Toebehore in waarderende hande

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie