Titelresies by Safland lyk oop

Andrew Poolman Wie gaan na vore tree om vandag en môre die internasionale Safland sewestoernooi by The Dome op Swakopmund in te palm?Verlede jaar moes die opposisie dikwels maar net staan en bewonder hoe Suid-Afrika se volsterkte Blitsbokke alle teëstand uit hul pad gevee het – net soos hulle in die daaropvolgende HSBC Wêreldreeks hul meesterskap bewys het.Suid-Afrika word wel weer die naweek verteenwoordig – deur 'n Select-kombinasie wat deur die oud-Blitsbok en Springbokvleuel Cornal Hendricks aangevoer word. Kenia het ook reeds Woensdag in die land aangekom en met die wêreldklas superster Willie Ambaka in hul geledere, mag daar nooit twyfel aan die Oos-Afrikane se ambisie wees nie. Die Keniaanse groep bevat ook minder spelers met Wêreldreeks-ondervinding en is eerder daarop gerig om hul volgende geslag kans te gee om na vore te tree. In 2016 se eerste Safland-toernooi is die swart-en-rooies in die finaal deur Suid-Afrika geklop, maar Keniane beskou dit as niks minder nie as 'n skande om teen enige ander Afrika-opposisie benewens die Blitsbokke te verloor.Hendricks se spanmaats is meestal lede van die Westelike Provinsie-span wat twee naweke gelede by die Assupol Sewes op Stellenbosch die Engelse Akademiespan in die bronsfinaal geklop het. Hulle het sodoende derde ná die Blitsbokke en Skotland geëindig. Die SA Select se afrigter Bobby Joubert het die afgelope vier jaar heelwat sukses met die WP-sewesspan bereik en is op pad om die direkteur van afrigting by Grey Kollege in Bloemfontein te word. PLAASLIKE TALENTAfrigter Jurie Booysen se manne het ook twee naweke gelede op Stellenbosch gaan speel en hoewel hulle nie baie goed gevaar het nie, reken hy dit was van waarde om die groep se organisering op die veld op te skerp.“Dit was taai voorbereiding, maar tagtig persent van ons span bly dieselfde vir die Safland Sewes,” sê hy.Booysen se byvoeging van die Boland Kavaliers se Namibiese senter Alcino Izaacs, juis 'n Swakopmunder, tot sy nasionale groep kan 'n betekenisvolle invloed hê.Die gasheerland se aanslag lyk ewe belowend met die Namibiese Rugby-akademie se span wat deur David Philander afgerig word. Dié spannetjie wemel van Cravenweek- en nasionale o.20-talent, tesame met 'n paar ouer hande. Hul vertoning behoort die moeite werd te wees op fyn dop te hou.Die studentespan Tisan van afrigter Les Bougard behoort ook na 'n sterk eindposisie te mik – as 'n voorteken van Namibië se aanbieding van die Wêreldstudentespele in sewesrugby volgende jaar op Swakopmund. Die talent in die Tisan-span is immers nie onder verdenking nie.• Min is bekend oor die krag en vernuf van die Tsjeggiese Republiek, wat verreweg die verste reisigers na Swakopmund sal wees. Die span word deur die voormalige Bulls-afrigter Phil Pretorius gebrei.Van die Bulls gepraat – dié unie is die laaste twee jaar die SA provinsiale kampioene en hul span sal op Swakopmund ook nie onderskat kan word nie.Vir diegene wat nie so gelukkig is om na Swakopmund te kan reis nie, kan daar goeie nuus wees dat Kwesé ESPN glo regstreekse videostroom van al die wedstryde in die internasionale afdeling op sy Facebook-blad gaan vertoon.Sommige van die spanlyste vir die Safland-sewes:Namibië: Daniel Bock, Bevan Botha, Alcino Izaacs, Janry du Toit, Tjingairi Katjivi, Nandivatu Karuuombe, Lloyd Jacobs, Aurelio Plato, Chad Plato, Angelo Kotze, Naudé Neethling, Shareave Titus, Russell van Wyk, Dirk de Meyer.Namibië Rugby-akademie: Oderich Mouton (kaptein), Peter Diergaardt, Gilad Plaatjies, Chrischen Olivier, Denzo Bruwer, André van der Berg, Darryll Wellmann, JC Winkler, Nikin Cloete, Collins Omalu, Gerswin Mouton, Brandon Groenewald, Lorenzo Groenewald, Willow du Plessis, Luke Jansen.TISAN: Camlo Martin, Chessborough Lawrence, Jeandre Cloete, Lorenzo Louis, Milaan van Wyk, Ngumee Nguaiko, Paulus Hangula, Rayton Paulse, Renaud van Neel, Romanzo Lento, Silvano Beukes, Simon Haitembu, Vernon McKay, Walter Hendricks, Venatius Kalilu, Paolo Andrews.Suid-Afrika Select: James Murphy, Ruan Mostert, Daniel Roberts, Cornal Hendricks (kapt), Conroy Eiman, Deon Taljaard, Angus van Niekerk, Nazeem Muneeb Wood, Carlisle Nel, Niyaas Johnson, Chevandre Conwin van Schoor. Die wedstrydbepalings in die internasionale afdeling:Vandag12:00 Tsjeggië tn Namibië Akademie, 12:20 Botswana tn Lesotho, 12:40 Namibië tn Bulls, 13:00 SA Select tn Zambië, 15:40 Botswana tn Namibië Akademie, 16:00 Tsjeggië tn Tisan, 16:20 Namibië tn Kenia, 16:40 SA Select tn Bulls, 18:00 Tisan tn Lesotho, 18:20 Botswana tn Tsjeggië, 18:40 Kenia tn Zambië, 19:00 SA Select tn Namibië.Môre09:20 Tsjeggië tn Lesotho, 09:40 Namibië Akademie tn Tisan, 10:00 Bulls Kenia, 10:20 Namibië tn Zambië, 12:00 Botswana tn Tisan, 12:20 Namibië Akademie tn Lesotho, 12:40 Bulls tn Zambië, 13:00 SA Select tn Kenia.15:00 Semifinaal 1 (X3 tn Y4), 15:20 Semifinaal 2 (Y3 tn X4), 15:40 Semifinaal 1 (Y1 tn X2), 16:00 Semifinaal 2 (X1 tn Y2), 16:20 Uitspeel vir negende plek, 16:40 Uitspeel vir sewende plek, 17:00 Plaatfinaal (vyfde plek), 17:20 Uitspeel vir derde plek, 17:40 Finaal

Titelresies by Safland lyk oop

Kommentaar

Republikein 2025-12-16

Meld asseblief aan om kommentaar te lewer

Titelresies by Safland lyk oop

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.