Tinman-driekamp met lof ingewy
Dreyer en Du Plooy oorrompel unieke triathlon met gemak.
Tielman van Lill
AfriTin Mining van Uis het die afgelope naweek sy eerste Tinman-triathlon by die Uis-myn suksesvol aangebied, waar Risa Dreyer en Divan du Plooy as gemaklike wenners na vore getree en gewys het hoekom hulle die heersende nasionale kampioene is.
Met 78 inskrywings vir die eerste kompetisie, kan dié unieke geleentheid (gereël deur LEMA Events) na verwagting in die volgende paar jaar uit sy nate bars.
Drie-en-twintig mans en tien vroue het aan die volle triathlon deelgeneem.
Die braafste manne en vroue moes eers nege kilometer draf en daarna 'n bergfietsroete van 66 kilometer op 'n tweespoor- en distrikspad ry. Die swemskof oor 1 200 meter is in 'n uitgewerkte steengroef van die myn geswem.
'n Unieke aspek van die Tinman was dat deelnemers tussen die onderskeie skofte 'n blaaskans kon neem.
Dreyer was in al drie haar dissiplines die vinnigste, terwyl Du Plooy hom tydens die fietsryskof agter Jurgen Sander bevind het. Sebastian Pahl wat die algehele tweede posisie opgeraap het, het vierde met die draf en derde met die fietsry en swem geëindig.
Sander was sesde in die drafskof, eerste in die fietsry en 16de by die swem.
Adelé de la Rey wat algeheel tweede by die vroue was, was in beide die draf en fietsry tweede, maar derde met die swem. Nadine Klopper (algeheel derde) eindig vierde (draf), derde (fietsry) en sewende in Uis se eie meer.
Ander items wat entoesiaste afsonderlik kon aanpak indien hulle nie vir die hooftriathlon wou meeding nie, was die 33 km en 66 km vir e-fietse of bergfietse, asook 'n 10 km draf en 5 km pretstap vir die minder fikses.
Die oopwater langafstandswemmers kon tussen die 600 en 1 200 m afstande kies. Andrea de Wee (28 minute 8 sekondes), Simone Cochrane (30:36) en Cari Graf (34:02) het die 1 200 gewen, terwyl Erich Hummel (40:38) die enigste man was wat dié afstand aangedurf het.
Dreyer, wat die vorige naweek die algehele tweede vrou ná Michelle Vorster in die Pupkewitz Tour de Windhoek-padfietstoer was, sê die kompetisie was moeilik, maar propvol pret.
“Die kompetisie was puik gereël en is in 'n baie goeie gees gehou. Dit was vir my'n besonderse ervaring. Die formaat was anders as in die gebruiklike triathlon. Ons het eers gehardloop, toe fietsgery en later die dag die swem afgehandel.
“Die swem het in die steengroef plaasgevind. Dit is ongelooflik mooi en anders as enige iets wat ek al gedoen het. Dit was warm en die omstandighede was regtig moeilik, maar dit was vet pret!
“Die opkoms was verrassend goed en die kompetisie was definitief lekker taai! Die Brandberg is 'n baie mooi gedeelte van ons land en dit was lekker om weer daar 'n draai te kon maak.
“Mannie Heymans, Leander Borg en Johan Pretorius het ongelooflik baie werk gedoen en sukses behaal. As driekampatlete is ons baie dankbaar en opgewonde oor hierdie tipe geleenthede. Ek glo in 2021 sal dit nog beter en groter wees,” het Dreyer aan Republikein vertel.
Die voorste uitslae (tye vir draf, fietsry, swem):
VROUE
1 Risa Dreyer (37:54), (2:47:50), (26:07), totale tyd 3:51:51.
2 Adelé de la Rey (44:42), (3:01:43), (28:25), totaal 4:14:49.
3 Nadine Klopper (48:26), (3:16:52), (31:56), totaal 4:37:13.
MANS
1 Divan du Plooy (31:14), (2:31:59), (19:15), totaal 3:22:28.
2 Sebastian Pahl (36:32), (2:32:14), (20:34) totaal 3:29:20.
3 Jurgen Sander (39:02), (2:23:05), (31:03), total 3:33:09.
Die AfriTin Tinman-kompetisie sal volgende jaar weer by Uis aangebied word en triathlon-entoesiaste kan gerus hul reëlings vroegtydig tref. 'n “Lite”-triathlon met 5 km draf, 33 km bergfietsry en 600 m swem word vir 2021 beplan.
– [email protected]
AfriTin Mining van Uis het die afgelope naweek sy eerste Tinman-triathlon by die Uis-myn suksesvol aangebied, waar Risa Dreyer en Divan du Plooy as gemaklike wenners na vore getree en gewys het hoekom hulle die heersende nasionale kampioene is.
Met 78 inskrywings vir die eerste kompetisie, kan dié unieke geleentheid (gereël deur LEMA Events) na verwagting in die volgende paar jaar uit sy nate bars.
Drie-en-twintig mans en tien vroue het aan die volle triathlon deelgeneem.
Die braafste manne en vroue moes eers nege kilometer draf en daarna 'n bergfietsroete van 66 kilometer op 'n tweespoor- en distrikspad ry. Die swemskof oor 1 200 meter is in 'n uitgewerkte steengroef van die myn geswem.
'n Unieke aspek van die Tinman was dat deelnemers tussen die onderskeie skofte 'n blaaskans kon neem.
Dreyer was in al drie haar dissiplines die vinnigste, terwyl Du Plooy hom tydens die fietsryskof agter Jurgen Sander bevind het. Sebastian Pahl wat die algehele tweede posisie opgeraap het, het vierde met die draf en derde met die fietsry en swem geëindig.
Sander was sesde in die drafskof, eerste in die fietsry en 16de by die swem.
Adelé de la Rey wat algeheel tweede by die vroue was, was in beide die draf en fietsry tweede, maar derde met die swem. Nadine Klopper (algeheel derde) eindig vierde (draf), derde (fietsry) en sewende in Uis se eie meer.
Ander items wat entoesiaste afsonderlik kon aanpak indien hulle nie vir die hooftriathlon wou meeding nie, was die 33 km en 66 km vir e-fietse of bergfietse, asook 'n 10 km draf en 5 km pretstap vir die minder fikses.
Die oopwater langafstandswemmers kon tussen die 600 en 1 200 m afstande kies. Andrea de Wee (28 minute 8 sekondes), Simone Cochrane (30:36) en Cari Graf (34:02) het die 1 200 gewen, terwyl Erich Hummel (40:38) die enigste man was wat dié afstand aangedurf het.
Dreyer, wat die vorige naweek die algehele tweede vrou ná Michelle Vorster in die Pupkewitz Tour de Windhoek-padfietstoer was, sê die kompetisie was moeilik, maar propvol pret.
“Die kompetisie was puik gereël en is in 'n baie goeie gees gehou. Dit was vir my'n besonderse ervaring. Die formaat was anders as in die gebruiklike triathlon. Ons het eers gehardloop, toe fietsgery en later die dag die swem afgehandel.
“Die swem het in die steengroef plaasgevind. Dit is ongelooflik mooi en anders as enige iets wat ek al gedoen het. Dit was warm en die omstandighede was regtig moeilik, maar dit was vet pret!
“Die opkoms was verrassend goed en die kompetisie was definitief lekker taai! Die Brandberg is 'n baie mooi gedeelte van ons land en dit was lekker om weer daar 'n draai te kon maak.
“Mannie Heymans, Leander Borg en Johan Pretorius het ongelooflik baie werk gedoen en sukses behaal. As driekampatlete is ons baie dankbaar en opgewonde oor hierdie tipe geleenthede. Ek glo in 2021 sal dit nog beter en groter wees,” het Dreyer aan Republikein vertel.
Die voorste uitslae (tye vir draf, fietsry, swem):
VROUE
1 Risa Dreyer (37:54), (2:47:50), (26:07), totale tyd 3:51:51.
2 Adelé de la Rey (44:42), (3:01:43), (28:25), totaal 4:14:49.
3 Nadine Klopper (48:26), (3:16:52), (31:56), totaal 4:37:13.
MANS
1 Divan du Plooy (31:14), (2:31:59), (19:15), totaal 3:22:28.
2 Sebastian Pahl (36:32), (2:32:14), (20:34) totaal 3:29:20.
3 Jurgen Sander (39:02), (2:23:05), (31:03), total 3:33:09.
Die AfriTin Tinman-kompetisie sal volgende jaar weer by Uis aangebied word en triathlon-entoesiaste kan gerus hul reëlings vroegtydig tref. 'n “Lite”-triathlon met 5 km draf, 33 km bergfietsry en 600 m swem word vir 2021 beplan.
– [email protected]
Kommentaar
Republikein
Geen kommentaar is op hierdie artikel gelaat nie