Tienjarige 'alleen toegesluit'

'Hoe weet jy waar is jou kind?'

03 July 2020 | Gesondheid
Henriette Lamprecht – Alleen toegesluit en aan die genade oorgelaat, moes 'n tienjarige meisie van die kus onlangs 'n nag alleen in kwarantyn­geriewe sonder 'n ouer deurbring, nadat sy deur 'n drywer daarheen gebring is.

Volgens 'n ingeligte bron is die meisie en haar ma albei vir Covid-19 getoets, maar was die kind se uitslae eerste bekend. Sy is glo in opdrag van die ministerie van gesondheid en maatskaplike dienste (MoHSS) deur 'n drywer wat “deur die dag koerierdienste lewer en saans vir hulle rondry” gaan haal en na die munisipale ruskamp op Walvisbaai gebring.

“Dit is nie professionele mense nie, dis drywers wat deur die dag rondry. Hy gee nie om nie, want sy opdrag is hy moet iemand gaan haal en klaar,” sê die bron.

Volgens hom is die kind “sommer net so” en sonder toestemming na die kwarantyngeriewe geneem.

“Dit beteken die kind gaan letterlik in 'n vreemdeling se sorg en hande totdat sy uiteindelik by die ruskamp beland het. Daar is geen professionele liggaam waar hierdie persoon geregistreer is aan wie se genade jou kind oorgelaat is en waar jy kan navraag doen nie.

“Waar begin jy soek, hoe weet jy waar is jou kind? Dit is 'n totale vreemdeling, jy weet nie by wie is jou kind nie,” het hy gesê.

Was dit nie vir 'n maatskaplike werker wat haar glo die nag oor die mei­sie ontferm het nie, sou sy volgens die bron “stoksielalleen” gewees het. Volgens hom het die maatskaplike werker na bewering “aan die anderkant van die muur” by die meisie gebly. “Was dit nie vir haar nie, was daar niemand nie.”

Die meisie is glo ná 'n dag of twee weer met haar ma herenig nadat die ma ook positief vir Covid-19 getoets het.

Volgens die bron is 'n ma op Walvisbaai wat alleen saam met haar kinders ook glo “sonder meer” by haar huis gaan haal en is haar kinders “net so gelos”.

“Sy kon nie eens reël dat iemand na hulle omsien nie.”

Die regering is volgens die bron na bewering tans besig met 'n werksdokument wat die regulasies uitstip oor wat presies die protokol behels wanneer ouers en/of kinders positief vir Covid-19 toets en gevolglik in isolasie moet gaan.

“Wat gebeur intussen en totdat hierdie dokument bestaan?”

Volgens die bron is ouers aan die kus vreesbevange dat dieselfde lot hul sou tref as 'n kind positief vir Covid-19 toets en noodgedwonge alleen in isolasie moet gaan.

“Mense jok op kontaklyste en gee nie die regte details nie. Jou kind word net kom haal en aan die genade oorgelaat.

“Baie sê as hulle siek is, bly hulle eerder stil en by die huis en gaan daar dood. Dit is skokkend dat 'n mens moet bang wees in jou eie land.”

Intussen het die minister van gesondheid, dr. Kalumbi Shangula, op sy beurt gesê positiewe toetsuitslae van kinders word op 'n geval-tot-geval-grondslag hanteer.

“Die ideaal is om die positiewe persoon te isoleer, maar ons kyk na die beste belang van die kind.”

Sou 'n ouer positief toets en daar is nie bykomende ondersteuning vir die kind sou die ouer in isolasie geplaas word nie, sal dit ondersoek word of dit in die beste belang van die kind sou wees om van die ouer geskei te word, het Shangula gesê.

[email protected]

Soortgelyk

 

Vandag se Covid-19-data

32 minute gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

1 uur gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

6 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

16 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

16 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

16 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

16 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

16 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

16 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...