Tiener wat glo moor, verkrag in hoërhof verhoor
Sestien maande nadat ’n tienerseun glo ’n ouer vriendin verkrag, vermoor en haar lyk geskend het, word sy lot moontlik eersdaags bepaal.
Denver Kisting – ’n Tienerseun (15) van Rehoboth, wat in September 2018 na bewering ’n vriendin, me. Sarah Jagger (57), verkrag en vermoor het, het onlangs gehoor hy sal in die hoërhof verhoor word.
Naas verkragting en moord staar klagte van roof met verswarende omstandighede, die skending van ’n lyk, huisbraak met die doel om te steel, diefstal en twee van brandstigting die seun ook in die gesig.
Hy was 14 ten tyde van die beweerde voorvalle.
Volgens die akte van beskuldiging het die seun Jagger na bewering tussen 24 en 25 September daardie jaar by Bahnhof aan die buitewyke van Rehoboth vermoor.
Dít kom nadat hy haar glo by verskeie geleenthede oor dié twee dae verkrag het, lui adv. Martha Imalwa, die aanklaer-generaal (AG), se beslissing.
Die seun, wie se identiteit bekend is, maar weens sy minderjarigheid verswyg word, het Jagger glo ook tussen 24 en 25 September 2018 aangerand deur haar te gryp, haar liggaam te sleep en haar met ’n mes of skerp voorwerp toe te takel sodat hy ’n sak, een pakkie wors, twee pakkies vleis en twee liter drank by haar kon steel.
Dié goedere het aan haar en ene mnr. Paul van Rhyn behoort, lui die akte van beskuldiging.
Die tienerseun het Jagger glo ook met klippe gedreig toe hy haar na bewering beroof het.
Nadat die 15-jarige Jagger glo beroof, verkrag en vermoor het, het hy haar oorskot geskend deur haar voet af te sny en die oorskot met ’n skerp voorwerp toe te takel.
Hy het die voet na bewering in ’n plastieksak geplaas en ’n kilometer van die lyk af weggegooi.
In dieselfde tydperk het die tiener glo ook by ene mnr. Keith Swartz se sinkhuis ingebreek en nege lepels, twee vurke, ’n gasaansteker en ’n skroewedraaier gesteel.
Voorts het hy Swartz se huis na bewering aan die brand gesteek.
’n Bank, drie matrasse, vyf kussings, een ysterbed en een paar stewels is in dié brand vernietig.
Nadat die seun glo ’n ander sinkhuis, wat ook aan Swartz behoort het, ook aan die brand gesteek het, is ’n kombuiskas, ’n eetkamerstel, een tent, drie matrasse, drie kussings, drie komberse, een ysterbed, een mobiele toilet, een kampbed, vyf flitse, twee badkamerkassies, koppies, borde en tuingereedskap verwoes.
Op elk van die twee klagte van brandstigting staar ’n alternatiewe klag van kwaadwillige saakbeskadiging die seun in die gesig.
Kort ná die voorval, wat skokgolwe deur die Rehoboth-gemeenskap gestuur het, het Republikein berig die seun is deur sy oupa aan moederskant grootgemaak nadat sy ouers albei dood is toe hy nog ’n baba was.
Dié oupa het in die Rehoboth-landdroshof getuig hy was geskok oor die bewerings teen die seun ná hy hom “volgens Christelike beginsels in die vrese van die Here” grootgemaak het.
’n Bron na aan die ondersoek het gesê volgens die oupa het hy die kind “soos ’n hanslam grootgemaak” en het dit nie van die kind verwag nie.
Hy het skool glo net tot graad vier bygewoon.
’n Verhoordatum sal eersdaags bekend wees.
– [email protected]
Naas verkragting en moord staar klagte van roof met verswarende omstandighede, die skending van ’n lyk, huisbraak met die doel om te steel, diefstal en twee van brandstigting die seun ook in die gesig.
Hy was 14 ten tyde van die beweerde voorvalle.
Volgens die akte van beskuldiging het die seun Jagger na bewering tussen 24 en 25 September daardie jaar by Bahnhof aan die buitewyke van Rehoboth vermoor.
Dít kom nadat hy haar glo by verskeie geleenthede oor dié twee dae verkrag het, lui adv. Martha Imalwa, die aanklaer-generaal (AG), se beslissing.
Die seun, wie se identiteit bekend is, maar weens sy minderjarigheid verswyg word, het Jagger glo ook tussen 24 en 25 September 2018 aangerand deur haar te gryp, haar liggaam te sleep en haar met ’n mes of skerp voorwerp toe te takel sodat hy ’n sak, een pakkie wors, twee pakkies vleis en twee liter drank by haar kon steel.
Dié goedere het aan haar en ene mnr. Paul van Rhyn behoort, lui die akte van beskuldiging.
Die tienerseun het Jagger glo ook met klippe gedreig toe hy haar na bewering beroof het.
Nadat die 15-jarige Jagger glo beroof, verkrag en vermoor het, het hy haar oorskot geskend deur haar voet af te sny en die oorskot met ’n skerp voorwerp toe te takel.
Hy het die voet na bewering in ’n plastieksak geplaas en ’n kilometer van die lyk af weggegooi.
In dieselfde tydperk het die tiener glo ook by ene mnr. Keith Swartz se sinkhuis ingebreek en nege lepels, twee vurke, ’n gasaansteker en ’n skroewedraaier gesteel.
Voorts het hy Swartz se huis na bewering aan die brand gesteek.
’n Bank, drie matrasse, vyf kussings, een ysterbed en een paar stewels is in dié brand vernietig.
Nadat die seun glo ’n ander sinkhuis, wat ook aan Swartz behoort het, ook aan die brand gesteek het, is ’n kombuiskas, ’n eetkamerstel, een tent, drie matrasse, drie kussings, drie komberse, een ysterbed, een mobiele toilet, een kampbed, vyf flitse, twee badkamerkassies, koppies, borde en tuingereedskap verwoes.
Op elk van die twee klagte van brandstigting staar ’n alternatiewe klag van kwaadwillige saakbeskadiging die seun in die gesig.
Kort ná die voorval, wat skokgolwe deur die Rehoboth-gemeenskap gestuur het, het Republikein berig die seun is deur sy oupa aan moederskant grootgemaak nadat sy ouers albei dood is toe hy nog ’n baba was.
Dié oupa het in die Rehoboth-landdroshof getuig hy was geskok oor die bewerings teen die seun ná hy hom “volgens Christelike beginsels in die vrese van die Here” grootgemaak het.
’n Bron na aan die ondersoek het gesê volgens die oupa het hy die kind “soos ’n hanslam grootgemaak” en het dit nie van die kind verwag nie.
Hy het skool glo net tot graad vier bygewoon.
’n Verhoordatum sal eersdaags bekend wees.
– [email protected]
Kommentaar
Republikein
Geen kommentaar is op hierdie artikel gelaat nie