Tiener baas op Walvis

Die 13-jarige Kyle Johnson van Tsumeb het die oë laat rek toe hy as kampioen van die baan gestap het in die Nedbank for Autism-reeks se vierde toernooi by die Walvisbaai-gholfklub. Altesame 45 spelers het Saterdag sake uitgespook, voordat Johnson met 42 punte koning gekraai het. Die res van die topvyf spelers was almal van die gasheerklub – Danie Greef (39 punte, op uittel), Emile Vilbert senior (39), Tangeni Mupupa (38) en Jonas Niilenge (35, op uittel). Regs is mnr. Herman Reinders, Nedbank Namibia se streekbestuurder vir die kus en suide. Medeborge van die toernooi was Taeuber & Corrsen, M+Z Motors Windhoek, Gondwana Collection Namibia, Momentum Short-Term Insurance, Khomas Medical Centre, AfricaOnline, Old Mutual Wealth, Engen Namibia, ComputerKit en Radiowave. Die Swakopmundse klub Rössmund bied die Nedbank for Autism se volgende toernooi komende Saterdag aan, voor die afsluitingstoernooi op Hentiesbaai sewe dae later. Foto verskaf