Tien sterf in opstand teen verkiesing
Die Europese Unie het gister kommer oor die lot van demokrasie in Venezuela en twyfel oor die erkenning van die omstrede verkiesing uitgespreek.
Venezuela se pres. Nicolas Maduro sê hy het die oorwinning in Sondag se verkiesing behaal vir lede van ‘n vergadering wat die grondwet moet herskryf.
Die EU het ook “die oormatige en onvanpaste optrede” van die veiligheidsmagte veroordeel en albei kante gemaan om hulle van geweld te weerhou.
Sondag kan as een van die dodelikste dae in Venezuela bestempel word sedert betogings in April in die land posgevat het.
Tien mense is dood toe ontevrede landsburgers in opstand gekom het teen pres. Nicolás Maduro se verkiesing Sondag. Hulle meen hy hou ’n bedreiging vir die land se demokrasie in.
Maduro is ongewild weens die ekonomiese agteruitgang in die land.
Opposisiepartye is gekant teen die verkiesing omdat hulle oortuig is dit sal Maduro se mag versterk. Lande soos Spanje, Kanada, Colombië en die VSA stem saam. Die Trump-administrasie oorweeg dit om sanksies teen Venezuela se oliesektor in te stel in reaksie op Sondag se verkiesing, het Amerikaanse amptenare gesê.
Die stad Caracas was Sondag grootliks gesluit en strate was leeg, asook stempunte.
’n Bom het ook in die stad ontplof en sewe polisielede is gewond.
Maduro het egter gemeen die verkiesing was 'n sukses.
Die Amerikaanse regering het Donderdag die opdrag gegee dat familielede van sy ambassadepersoneel in Venezuela onmiddellik die land moet verlaat. Die personeel kan ook die land verlaat as hulle wil.
Minstens 108 mense is reeds sedert April in betogings teen die regering dood. – Nampa/AFP/Netwerk24/Reuters
Venezuela se pres. Nicolas Maduro sê hy het die oorwinning in Sondag se verkiesing behaal vir lede van ‘n vergadering wat die grondwet moet herskryf.
Die EU het ook “die oormatige en onvanpaste optrede” van die veiligheidsmagte veroordeel en albei kante gemaan om hulle van geweld te weerhou.
Sondag kan as een van die dodelikste dae in Venezuela bestempel word sedert betogings in April in die land posgevat het.
Tien mense is dood toe ontevrede landsburgers in opstand gekom het teen pres. Nicolás Maduro se verkiesing Sondag. Hulle meen hy hou ’n bedreiging vir die land se demokrasie in.
Maduro is ongewild weens die ekonomiese agteruitgang in die land.
Opposisiepartye is gekant teen die verkiesing omdat hulle oortuig is dit sal Maduro se mag versterk. Lande soos Spanje, Kanada, Colombië en die VSA stem saam. Die Trump-administrasie oorweeg dit om sanksies teen Venezuela se oliesektor in te stel in reaksie op Sondag se verkiesing, het Amerikaanse amptenare gesê.
Die stad Caracas was Sondag grootliks gesluit en strate was leeg, asook stempunte.
’n Bom het ook in die stad ontplof en sewe polisielede is gewond.
Maduro het egter gemeen die verkiesing was 'n sukses.
Die Amerikaanse regering het Donderdag die opdrag gegee dat familielede van sy ambassadepersoneel in Venezuela onmiddellik die land moet verlaat. Die personeel kan ook die land verlaat as hulle wil.
Minstens 108 mense is reeds sedert April in betogings teen die regering dood. – Nampa/AFP/Netwerk24/Reuters
Kommentaar
Republikein
Geen kommentaar is op hierdie artikel gelaat nie