Ten minste 80 joernaliste reeds aan Covid-19 dood

Ronelle Rademeyer - Sedert die begin van Maart vanjaar is ten minste 80 joernaliste in digby 30 lande in die wêreld aan Covid-19 dood.Volgens die organisasie Press Emblem Campaign (PEC) het hy op 1 Maart met ‘n “coronateller” begin om hulde te betoon aan joernaliste en ander mediawerkers wat die virus opgedoen en gesterf het.Een van die jongste sterfgevalle onder mediawerkers het vandag in Namibië se buurland Suid-Afrika voorgekom.Netwerk24 berig Lungile Tom (foto), wat vir die mediapublikasie eNCA in Kaapstad gewerk het, het vanoggend aan Covid-19 gesterf.“Die maatskappy sê in ’n verklaring Tom is op Sondagaand 10 Mei in die hospitaal met Covid-19-simptome opgeneem,” berig Netwerk24.“Sy toetsuitslae is gisteraand ontvang en het bevestig dat hy die virussiekte opgedoen het.“Die maatskappy het ’n beroep gedoen op almal wat in kontak met hom was om by die huis te bly.”PEC sê op sy webblad pressemblem.ch die veiligheid van joernaliste is tydens hierdie krisis in die gedrang aangesien hulle aan die voorfront werk om inligting in te samel en die wêreld op hoogte van sake te hou.“Hulle besoek hospitale, en voer onderhoude met politici, ekonome, wetenskaplikes, dokters, verpleegpersoneel en pasiënte,” sê PEC.Verskeie van Namibia Media Holdings (NMH) se joernaliste is al vir die virus getoets. As grootste private mediahuis in die land, het die bestuur al sy joernaliste aangemoedig om hulle vir Covid-19 te laat toets.

Ten minste 80 joernaliste reeds aan Covid-19 dood

Kommentaar

Republikein 2025-09-17

Meld asseblief aan om kommentaar te lewer

Ten minste 80 joernaliste reeds aan Covid-19 dood

Kommentaar

Republikein 2025-09-17

Meld asseblief aan om kommentaar te lewer

MELD AAN

Advertensie