Teikens op Gobabis onder skoot

Die Namwata skietklub en die Voortrekkers van Gobabis hou môre ’n ope skietdag wat by die NDF aangebied word.Namwata (Namibian Weapons and Training Association) en die Voortrekkers bied jaarliks die ope dag vir die hele gesin aan.Die skietdag vanaf 07:00 tot 16:00 is nie net vir vuurwapens nie, maar boogskutters kan ook hul vernuf kom vertoon.Van die toppryse wat môre gewen kan word, sluit in ’n Amerikaanse Ruger jaggeweer, teleskope, ’n Hornady herlaaistel, gewere vir verfbalskiet en ander skietverwante toerusting. Die organiseerders spreek hul dank uit teenoor die dag se hoofborg, Outdoor Centre.Kortliks werk die verskillende kompetisies se formaat soos volg:• Jaggeweer (enige kaliber en enige dikte loop; 9x vergroting; vyf skote op 200 meter vanuit ’n lêposisie, met ’n dooierus wat voorsien word);• .22-geweer (enige dikte loop; vyf skote op 50 meter vanaf ’n bankrus wat voorsien word);• Saamgestelde boog (vier pyle op 60 meter, vanuit ’n staande posisie);• Terugbuigboog (drie pyle op 15 meter, vanuit ’n staande posisie).Die inskrywingsgeld per persoon beloop N$50 vir die .22-skiet, N$50 vir die boogskiet-items en N$150 vir die jaggeweerskiet. Deelnemers kan vir elke item soveel kere inskryf as wat hulle wil deur elke keer die fooi te betaal.Kos en drinkgoed sal die heeldag beskikbaar wees. Daar sal ook springkastele vir die kinders wees.Die verrigtinge sal afgesluit word met die prysuitdeling (17:00), ete en kuier by Xain Quaz Camp, wat ook kamers en kampeerplekke beskikbaar het.Navrae kan aan Rudi Rudolph by sel. 081 275 3939 of Pieter van Zyl by 081 261 2799 gerig word. Hou gerus ook ’n oog op die Facebook-blad Namibian Weapons & Training Association (Namwata).

Teikens op Gobabis onder skoot

Kommentaar

Republikein 2025-05-07

Meld asseblief aan om kommentaar te lewer

Teikens op Gobabis onder skoot

Kommentaar

Republikein 2025-05-07

Meld asseblief aan om kommentaar te lewer

MELD AAN

Advertensie