Tegniese ontleding: Hou AB InBev fyn dop
Frans de Klerk - Talle ontleders was en is steeds oortuig dat Anheuser-Busch InBev (AB InBev) te veel betaal het om SABMiller in die hande te kry.
Nadat die transaksie afgehandel is, het die aandeel eers onder winsneming deurgeloop, maar AB InBev het onlangs aangekondig dat sy sake beter begin lyk en vaar.
Konsolidasies op tegniese grafieke word beskou as 'n periode waar ingeligte beleggers besluit of hulle die stand van sake kan vertrou.
As die aandeel na bo vanuit die konsolidasie breek, kan ons aanneem dat beleggers tevrede is, en as die konsolidasie na onder breek, kan ons aanneem dat tegniese beleggers nog nie vrede in hul gemoed het nie.
Die konsolidasie tussen R1 400 en R1 600 oor die afgelope paar maande maak nie werklik die aandeel tegnies aantreklik nie, maar intussen het die betroubare 40-weke- bewegende gemiddelde (R1 471,09) in 'n steun verander. Die hoër laagtes (positief) gee ook seine dat beleggers koop wanneer die aandeel onder verkoopdruk deurloop.
Die konsolidasie bo lyn A (R1 518,21) bevestig ook dat die tendens na bo wil draai en bo lyn B (R1 620,64) kan tegniese beleggers aanneem dat ingeligte beleggers die korporatiewe aksie van die afgelope tyd verwerk het en dat die aandeelprys weer na bo kan beweeg.
Die weeklikse tegniese grafiek het betrekking.
• Spekulante: Koop so na as moontlik aan lyn A indien die aandeelprys terugtrek, anders koop bo lyn B maar gebruik dan lyn A as keerverlies om kapitaal te beskerm.
• Medium- en langtermyn-beleggers: Doen dieselfde as spekulante.
• Nota: Die maatskappy word beskou as 'n defensiewe aandeel en dien ook as 'n goeie randverskanser. Die aandeel stel beleggers ook selde teleur. En wanneer daar wel teleurstellings was, was dit van korte duur. – Netwerk24
• Frans de Klerk is 'n onafhanklike tegniese ontleder.
Nadat die transaksie afgehandel is, het die aandeel eers onder winsneming deurgeloop, maar AB InBev het onlangs aangekondig dat sy sake beter begin lyk en vaar.
Konsolidasies op tegniese grafieke word beskou as 'n periode waar ingeligte beleggers besluit of hulle die stand van sake kan vertrou.
As die aandeel na bo vanuit die konsolidasie breek, kan ons aanneem dat beleggers tevrede is, en as die konsolidasie na onder breek, kan ons aanneem dat tegniese beleggers nog nie vrede in hul gemoed het nie.
Die konsolidasie tussen R1 400 en R1 600 oor die afgelope paar maande maak nie werklik die aandeel tegnies aantreklik nie, maar intussen het die betroubare 40-weke- bewegende gemiddelde (R1 471,09) in 'n steun verander. Die hoër laagtes (positief) gee ook seine dat beleggers koop wanneer die aandeel onder verkoopdruk deurloop.
Die konsolidasie bo lyn A (R1 518,21) bevestig ook dat die tendens na bo wil draai en bo lyn B (R1 620,64) kan tegniese beleggers aanneem dat ingeligte beleggers die korporatiewe aksie van die afgelope tyd verwerk het en dat die aandeelprys weer na bo kan beweeg.
Die weeklikse tegniese grafiek het betrekking.
• Spekulante: Koop so na as moontlik aan lyn A indien die aandeelprys terugtrek, anders koop bo lyn B maar gebruik dan lyn A as keerverlies om kapitaal te beskerm.
• Medium- en langtermyn-beleggers: Doen dieselfde as spekulante.
• Nota: Die maatskappy word beskou as 'n defensiewe aandeel en dien ook as 'n goeie randverskanser. Die aandeel stel beleggers ook selde teleur. En wanneer daar wel teleurstellings was, was dit van korte duur. – Netwerk24
• Frans de Klerk is 'n onafhanklike tegniese ontleder.
Kommentaar
Republikein
Geen kommentaar is op hierdie artikel gelaat nie