Teenkorrupsie-strategie onder die loep

69 uit 75 take uitgevoer

16 October 2020 | Regering
Elvira Hattingh - Van die sowat 75 take in die nasionale teenkorrupsie-strategie (NACS) vanaf 2016 tot 2019, is daar reeds begin om 69 ten uitvoer te bring.

Net sowat 15 (20%) van dié take is heeltemal voltooi, terwyl daar nagelaat is om met sowat ses daarvan te begin.

Me. Christine Liswaniso, die NACS-sekretariaat, het Woensdag dié inligting tydens ’n slypskool bekend gemaak waarin die bevindinge van die NACS se evaluasie deur verskeie belangegroepe bekragtig moet word.

Sy het beklemtoon dat die toepassing van baie van die opdragte nie ’n eenmalige proses is nie, maar eerder oor die langer termyn voortduur.

“Uit 22 betrokke instansies, het minstens 15 hul opdragte toegepas of verslag op hul vordering gegee. Dit sluit in die Teenkorrupsiekommissie (ACC), die Verkiesingskommissie van Namibië (ECN), die Finansiële Intelligensiesentrum (FIC), die kantore van die ombudsman en die eerste minister.

“Terugvoering is ook van onder meer die ministeries van finansies, justisie, myne en energie (diamantsake), visserye en mariene hulpbronne, staatsondernemings en nywerheidsontwikkeling en handel ontvang,” het Liswaniso gesê.

Mnr. Paulus Noa, direkteur van die ACC, het tydens die geleentheid verduidelik dat die doel van die evaluasie was om vas te stel of strategiese doelwitte bereik is. Hy het gesê sodra die evaluasie deur die slypskool ondersoek en bekragtig word, sal dit as inset dien vir die formulering van die NACS vir die tydperk 2021 tot 2025.

BURGERLIKE INKOOP

Mnr. Graham Hopwood, die uitvoerende direkteur van die Instituut vir Openbare Beleidsnavorsing (IPPR), het egter beklemtoon geen teenkorrupsie-plan kan suksesvol wees sonder dat die burgerlike samelewing daarby inkoop en betrokke is nie.

“Daar moet openbare eienaarskap van so ’n plan of strategie geneem word. Daarsonder kan dit irrelevant of ’n bron van frustrasie raak – veral as mense onder die indruk is dat niks, of nie veel daaraan gedoen word nie.”

Hy het die onlangse protesoptogte teen seksuele en geslagsgeweld (SGBV) as ’n voorbeeld hiervan genoem en bygevoeg korrupsie kan nog só ’n moontlike bron van frustrasie vir landsburgers raak.

Hy het gesê terwyl die ACC tans fokus op die ondersoek van korrupsie, het hy ook ’n verpligting om dit te probeer voorkom, “want voorkoming is goedkoper as genesing.”

Hy meen voorkoming sluit in dat die wet op toegang tot inligting binnekort deur die parlement goedgekeur sal word. Hy het kommer uitgespreek omdat die wet op hokaairoepers, wat reeds deur die parlement goedgekeur is, nog nie geïmplementeer is nie.

Die minister in die presidensie, me. Christine //Hoebes, wat die geleentheid amptelik geopen het, meen die NACS is ’n bewys van Namibië se toewyding daartoe om maatreëls teen korrupsie en goeie staatsbestuur te bevorder.

“Dié evaluering kom op ’n geskikte tyd, aangesien Namibië voor 'n aantal uitdagings staan – wat insluit swak vertroue in openbare instansies en swak dienslewering.”

Só het me. Alka Bhatia, 'n verteenwoordiger van die Verenigde Nasies (VN) se Ontwikkelingsprogram (UNDP) in Namibië, gesê. Volgens haar ondermyn korrupsie ontwikkeling deur ongelykheid te bevorder.

“Dit ondermyn ook mense se vertroue in openbare instellings, wat op die beurt weer die vermoë en legitimiteit van die staat en die oppergesag van die reg belemmer.

“Namibië het ’n benydenswaardige rekord vir vrede en ’n demokratiese regering en tel onder die bestes op die Mo Ibrahim-indeks. Daar is egter ruimte om deursigtigheid te verbeter. Dit is waar die nasionale strategie en aksieplan vir korrupsie ’n belangrike rol speel,” het sy gesê.

- [email protected]

Soortgelyk

 

Geingob onder skoot oor ‘wit’ opmerkings

9 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

9 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

9 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

9 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

9 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

9 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

9 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

9 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

9 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...