Teelaarde vir die nuwe geslag

Skoolkinders van oral sien reeds uit om Vrydagmiddag vir die eerste byeenkoms van die jaar in die FNB bergfietsreeks vir skole aan te tree.Die venue is die Tony Rust-renbaan – die afdraai na links by die padblokkade op die Daan Viljoen-pad, wes van Windhoek.Die jongste ouderdomsklas is vir seuns en meisies onder ses jaar, gevolg deur die onder 8’s en elke tweejaar-interval tot die oudste groep, die o.18’s.Registrasie word vanaf 14:00 gedoen, voordat die eerste resies se skoot om 14:30 klap.Die reeks is oop vir elke leerder van enige skool, solank hy/sy oor ’n fiets, valhelm en fietsryskoene of tekkies beskik. Elkeen moet ook water saambring om te drink. Die koste van inskrywings beloop net N$20 per deelnemer.Die datums vir die res van die reeks is ook reeds vasgestel, hoewel die venues later bevestig sal word. Die datums is 1 Maart (XC 2), 29 Maart (XC 3), 7 Junie (XC 4) en 28 Junie (XC 5) – alles in die opbou na die finaal (XC 6) op 7 Julie.Die FNB bergfietsreeks is die perfekte platform vir kinders om van jongs af in ’n prettige atmosfeer die vaardighede van die sport aan te leer. Verskeie van Namibië se bekendste ryers wat later tot op wêreld-, Olimpiese en Statebond-vlak meegeding het, het hul loopbane op ’n soortgelyke klein skaal begin.Die reeks se hoofborg is FNB Namibia, met verdere geldelike steun van die Namibiese Fietsryfederasie (NCF) en die Gravel & Dirt bergfiets-marathonreeks. Borge soos Aqua Splash en BarOne sorg dat elke fietsryertjie by die eindstreep iets te ete en drinke kry, terwyl Mannie’s Bike Mecca op die toneel sal wees om gedurende al die resiese tegniese ondersteuning te bied.

Teelaarde vir die nuwe geslag

Kommentaar

Republikein 2025-07-04

Meld asseblief aan om kommentaar te lewer

Teelaarde vir die nuwe geslag

Kommentaar

Republikein 2025-07-04

Meld asseblief aan om kommentaar te lewer

MELD AAN

Advertensie