Taxiwerk is soos 'slawerny'

Augetto GraigMnr. Werner Januarie van die Namibiese Vervoer- en Taxivakbond (NTTU), sê daar was meer as 'n honderd taxidrywers by dié vakbond se optog in Evelinestraat, Windhoek, op 20 Maart. Die optog is gehou in protes teen hul haglike werksomstandighde. Drywers het van seweuur die oggend af reeds bymekaar gekom om voor te berei vir die optog wat hulle tot by die ministerie van arbeid wou voer om dan 'n petisie aan die permanente sekretaris, mnr. Bro-Mathew Shinguadja, te oorhandig. Weens die polisie se vereiste dat slegs 25 karre aan die optog mag deelneem, kon die optog nie voortgaan nie. 'n Verteenwoordiger van die ministerie het toe na die drywers gegaan om hul petisie te aanvaar.Drywers het beplan om weer in Evelinestraat te vergader om op Shinguadja se terugvoer te wag.Volgens die petisie is vakbondlede baie ongelukkig oor hul werksomstandighede. “Taxidrywers in Namibië word onderdruk deur slawerny-werksomstandighede en moet daagliks onbevoegde taxi-eienaars hanteer wat nie hul bydrae tot die samelewing waardeer nie,” lui die petisie.Hulle kry ook geen geleentheid om oor beter werksomstandighede te onderhandel, soos voorgeskryf deur die Arbeidswet nommer 11 van 2007 nie.Die petisie fokus op veral onwettige en onredelike aftrekkings, onregverdige teikens en toerusting en hulpbronne wat nie genoegsaam is nie. Drywers sê hulle word nie van behoorlike voertuie voorsien nie, maar daar word steeds van hulle verwag om groot boetes en verkeersfooie self te betaal. Hulle sê hulle word ook goedsmoeds afgedank of aangestel sonder die opsie van vervolging vir onregverdige behandeling. Volgens Januarie is taxi-eienaars gewoond daaraan om hul werknemers onmenslik te behandel. Die vakbond eis dat die ministerie reëls instel oor die kwessie of taxidrywers as werknemers of onafhanklike kontrakteurs kwalifiseer. “Die hele bedryf wil die voordeel en die beskerming van die arbeidswet geniet,” sê hy. Boonop wil die vakbond die ministerie van werke en vervoer dwing om hul “vinnige resultate”-strategie vir die hervorming van die bedryf toe te pas. Dié strategie moes al van die einde van Januarie af toegepas wees, maar tot dusver is die betrokke ministerie tjoepstil hieroor. Vakbondlede was teleurgesteld dat Shinguadja nie persoonlik hul petisie ontvang het nie, maar was tevrede daarmee dat die verteenwoordiger gesê het die ministerie van arbeid is wel die bevoegde owerheid om hul klagtes te hanteer. Aan drywers is gesê die verteenwoordiger sou onmiddellik die dokument aan Shinguadja oorhandig. Hulle is verseker dat die saak dringende aandag sal geniet. Januarie sê die vakbond verwag dat die ministerie van arbeid alle belanghebbendes bymekaar sal roep om die kwessies te bespreek.

Taxiwerk is soos 'slawerny'

Kommentaar

Republikein 2025-05-07

Meld asseblief aan om kommentaar te lewer

Taxiwerk is soos 'slawerny'

Kommentaar

Republikein 2025-05-07

Meld asseblief aan om kommentaar te lewer

MELD AAN

Advertensie