Tara-simfonie reg vir vertoning

Tielman van Lill - Die wegspring van die 2017 Windhoek Motorklub en Vriende Tara-tydren word vanmiddag om halfvier by die Tony Rust-renbaan wes van die hoofstad ywerig afgewag.Vyftien spanne sal in verskeie klasse vandag en môre in 17 sneltrajekte die 127.43 kilometer roetes om die hoofstad pak. Verskeie tydrenjaers kon nie vanjaar hul voertuie betyds vir die Tara-fees klaar voorberei nie, terwyl sommiges om sakeredes nie kan deelneem nie.“Nuwe” gesigte kan vanjaar in die navigatorsitplek van ’n paar spanne verwag word. Uit die skoner geslag betree Nola Louwrens saam met Pieter Greeff en Mohatu, sy Toyota Corolla, vir die eerste keer die Tara-toneel. Dit sal die 23-jarige Windhoeker se tweede tydren wees nadat sy en Greeff vroeër vanjaar die Walvisbaai-byeenkoms aangedurf het.“Ek dink ek en Pieter vorm ’n goeie span. Omrede ek nie geweet het wat om te verwag nie, was die eerste tydren as navigator vir my vreesaanjaend. Met die eerste probeerslag was ons tweede in ons klas en vyfde algeheel,” het Louwrens vertel.Nog twee “nuwe” gesigte is die ervare Kes Naidoo en Derek Jacobs wat onderskeidelik saam met Oswaldo Mendes (4x4 Subaru Impreza S4-klas) en Allan Martin (4x4 VW Polo S3-klas) sal jaag. Martin is altyd kompeterend en kan ander hoopvolle deelnemers se kaarte lelik met sy Groenmamba deurmekaar krap.Die gesig van Richard Slamet agter die stuur van nog ’n Subaru (S4) wat eers aan Dick Cornelissen behoort het, is ’n ander nuutjie. Soos verwag sal Wiets Coetzee weer Slamet se roetenotas lees.Anders as vorige jare toe Roland Himmel dit gedoen het, sal sy jonger broer Thilo Himmel vanjaar die Toyota Etios R2 (S1-klas) saam met Melvin Gous in die navigatorsitplek beheer. Van Gobabis is dit net Jaco Redelinghuys en navigator Dries Booysen wat in sy nuwe 4x4 Gobabis Toyota Yaris S2000 (S3-klas) gaan jaag.Bertie Smit wat normaalweg die Offroad-klas inneem, Welmie Kuhn (S1) asook Stefan Labuschagne (Offroad) is almal van Gobabis wat om verskeie redes nie vanjaar aan die Tara kan deelneem nie. Redelinghuys en Booysen is egter vuur en vlam om saam met Wilro Dippenaar en Riaan van der Westhuizen die Redline Motorklub se vlag te laat wapper.“Ons weet nie wie almal in ons klas gaan deelneem nie, maar ons streef om die Tara algeheel te wen. Die eks-Yaris van Leroy Polter is 100 persent reg; dit is die laaste voertuig wat deur Toyota Motorsport gebou is. ’n Groot dankie aan al ons borge wat ons deelname verseker het,” vertel Redelinghuys.Wilro Dippenaar se 4x4 Shell V-Power Toyota S2000 (S3) is opnuut vet gesmeer en sal soos in die verlede geklop moet word.“Ek sien uit na die byeenkoms en ons spangees is reg om die res van die veld te uitoorlê. Die Auris is natuurlik die regte kar om die Tara mee te pak, dus reken ek ons het ’n goeie wenkans. Ek dink Jaco Redelinghuys se nuwe Yaris gaan ook mededingend wees,” het Dippenaar gesê.Die enigste deelnemer in die Offroad-klas vanjaar is Cecil Koorts en navigator Oscar Schoombe wat met ’n Ford Courier hul merk sal maak. Sonder die teenwoordigheid van Bertie Smit en die Labuschagne-broers moet Koorts bloot sorg dat sy strydwa enduit hou om sy klas op te raap.Borge vir vanjaar se Tara-tydren is Safari-Engineering & Terrain Taimer, Gunite Pools, Sky-Way Investments, Chubb, Atlas Copco, Sat-Com, M & Z Motors, Super Tyres, Sign Factory, Kosmos 94.1, IS-Freight Services asook City Clutch & brake.Die deelnemersS1-klas: Pieter Greef/Nola Louwrens, Toyota Corolla. Hanré Myburgh/Geon Ellis, VW Polo. Thilo Himmel/Melvin Gous, Toyota Etios R2. S2-klas: Jan Everson/Fanie Botes, VW Polo. Tinus Malan/Paul van Niekerk, Toyota MR2. Jannie Coetzee/George Coetzee, VW Polo. Gert Coetzee/Hugo Arangies, VW Golf. S3-klas: Allan Martin/Derek Jacobs VW Polo. Wilro Dippenaar/Riaan van der Westhuizen, Toyota Auris. Jaco Redelinghuys/Dries Booysen, Toyota Yaris. S4-klas: Oswaldo Mendes/Kes Naidoo. Marco Luis/DeWet du Plessis. Richard Slamet/Wiets Coetzee. WillemHugo/Mandi Hugo (almal Subaru Impreza). Offroad-klas: Cecil Koorts/Oscar Schoombe Ford Courier.Die meegaande kaarte dui die tye en presiese venues aan wanneer elke sneldeel gejaag sal word.

Tara-simfonie reg vir vertoning

Kommentaar

Republikein 2025-11-05

Meld asseblief aan om kommentaar te lewer

Tara-simfonie reg vir vertoning

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.