Tantalietmyn: 94 werkers afgelê

Die 94 werkers van die Tantalite Valley-myn in Warmbad, wat in Junie vanjaar hul werk sou verloor, is Vrydag (31 Augustus) deur dié myn afgelê. Mnr. Larry Johnson, die myn se uitvoerende hoof, het dit bevestig. Dit myn het reeds in Junie vanjaar aangekondig hy gaan 94 van sy 105 werknemers weens ‘n watertekort en swak produksie by die myn moet afdank. ‘n Ooreenkoms vir skeidingspakkette is binne twee maande beding, waartydens die Mynwerkersvakbond van Namibië (MUN) en die myn glo gesukkel het om ‘n ooreenkoms te bereik. Johnson het in ‘n nuusverklaring gesê dit is met hartseer dat die myn die aflegging van sommige van sy werknemers aankondig.Hy het bygevoeg die myn het alles moontlik gedoen voor dié moeilike besluit geneem is.“Ek waarborg dat ons eerstens die arbeidswet gevolg het en van plaaslike derde party-arbeidskenners gebruik gemaak het om seker te maak ons handel die hele proses af,” het Johnson gesê.Hy het gesê verdere onderhandelinge met MUN is in goedertrou afgehandel. “Die myn wil sy opregte dank aan al die werknemers vir hul tyd en toewyding aan die myn uitspreek, het hy gesê.Die vakbond het die myn Maandag gekritiseer omdat hy met die afleggings voortgegaan het en het ‘n beroep op die regering gedoen om die myn se lisensie terug te trek. Die vakbond het gesê onderhandelinge tussen die myn, die ministerie van myne en energie, en die MUN is nog nie afgehandel nie. Die myn het voorheen aangekondig hy sal ‘n groepie van 10 tot 20 mense aanstel sodra die afleggings voltooi is. – Nampa

Tantalietmyn: 94 werkers afgelê

Kommentaar

Republikein 2025-08-04

Meld asseblief aan om kommentaar te lewer

Tantalietmyn: 94 werkers afgelê

Kommentaar

Republikein 2025-08-04

Meld asseblief aan om kommentaar te lewer

MELD AAN

Advertensie