Talle vrae ná SA Skolespan se nederlae

Francois de WetDie gesukkel van vanjaar se Suid-Afrikaanse Skolerugbyspan sal beslis verskeie vrae oplewer oor hoe mededingend die land se aanslag in toekomstige o.20-Wêreldtoernooie gaan wees.Die SA Skolespan het al drie sy wedstryde in vanjaar se vierhoekige reeks teen o.19-spanne van Wallis, Frankryk en Engeland verloor.Die nasionale skolespan, wat uit die beste o.18-spelers van die onlangse Cravenweektoernooi in Johannesburg saamgestel is, het verskeie tekortkominge in hul samespel in die jaarlikse toernooi in die Wes-Kaap te toon gestel.Die skrumwerk, lynstane, verdediging en samespel sal beslis groot kommer wek ná nederlae van 28-30 teen Wallis, 8-13 teen Wallis en Saterdag se vernederende nederlaag met 22-52 teen Engeland.Lance Sendin, SA Skole-breier, het sy span se gesukkel ná die eerste twee nederlae toegeskryf aan ’n tekort aan soortgelyke internasionale wedstryde onder druk.Hy het dalk ’n punt beet, want voor die eerste wedstryd teen Wallis het die span net vier dae se voorbereiding gehad.Daar was egter teen Wallis tekens dat die spelers besig is om mekaar te vind, maar in die nederlaag teen Frankryk het die samespel verdwyn, terwyl die tweestryd in die Paarl ook gekenmerk is deur ’n onvermoë om as ’n span saam te werk.Dit het Sendin en sy bestuurspan genoop om verantwoordelikheid vir die nederlae te aanvaar, maar toe die Engelse sy span Saterdag met gemak in Athlone afgeransel het, was daar opnuut vrae oor die samestelling van die span.Dit sal Chean Roux, afrigter van die Suid-Afrikaanse o.20-span, beslis met verskeie vrae laat oor wie in dié span goed genoeg is om deel van sy groep vir volgende jaar se veldtog in die o.20-Wêreldtoernooi te vorm.Dit is nou al vyf jaar sedert ’n SA o.20-span ’n wêreldtoernooi kon wen. Daar is gehoop dat die afgelope drie jaar se talentvolle groepe, wat spelers soos Curwin Bosch, Damian Willemse, Salmaan Moerat, Ruben van Heerden en Embrose Papier insluit, die rugbywêreld sou oorheers.Die gesegde lui gewoonlik as die Westelike Provinsie en Blou Bulle se rugby sterk is, is Suid-Afrikaanse rugby sterk. Die Bulle en in ’n mindere mate die WP het egter gesukkel om in vanjaar se Cravenweek-toernooi hul naam gestand te doen as ’n krag in SA rugby.Daar kan egter steeds nie twyfel wees nie dat die spelers wat ná die toernooi gekies is, die beste spelers was.Die Goue Leeus is ná etlike jare as die Cravenweek se nie-amptelike wenners gekroon met verskeie spelers uit die KwaZulu-Natalse span wat ook uitstekend vertoon het.Puntemakers:Engeland 52 (19) – Drieë: Ollie Hassell-Collins, Josh Basham, Sam Moore, Nic Rigby, Tom Willis, Caden Murley, Sam Spink, Nick David. Doelskoppe: Cameron Redpath (3), Kieran Wilkinson (3).SA Skole 22 (0) – Drieë: Muller du Plessis (2), Henco Martins. Doelskoppe: Qamani Kota (2). Strafdoel: Kota. - Netwerk24

Talle vrae ná SA Skolespan se nederlae

Kommentaar

Republikein 2025-04-30

Meld asseblief aan om kommentaar te lewer

Talle vrae ná SA Skolespan se nederlae

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie