Tabakplaas ‘gesondheidsramp’

Oortreding van konvensie vir tabakbeheer

18 June 2019 | Gesondheid
Henriette Lamprecht - Die regering se besluit om sowat 10 000 hektaar in die Zambezistreek vir die verbouing van tabak goed te keur, is teen die Wêreldgesondheidsorganisasie (WHO) se raamwerkkonvensie vir tabakbeheer waartoe Namibië wettig in 2006 ingestem het.

Verder is dit ’n gesondheids- en natuurlike ramp wat wag om te gebeur.

As hekwag vir gesondheid wat met kanker en verwante siektes verband hou, het die Kankervereniging van Namibië (CAN) sterk teen die beplande tabakplaas te velde getrek.

“Wie trek voordeel daaruit, wie baat dit? Daar is geen terme en voorwaardes vir hoe dit doeltreffend bestuur gaan word nie.”

Volgens CAN se uitvoerende hoof, mnr. Rolf Hansen, is die beplande tabakboerdery ’n doodsvonnis vir die land se droom om sy volhoubare ontwikkelingsdoelwitte (SDG’s) te behaal.

“Namibië het groot internasionale aansien gehad en is as ’n vuurtoring van hoop in Afrika gesien.”

Tabak is een van vier sleutelrisikofaktore (ook die skadelike gebruik van alkohol, ongesonde dieet en ’n gebrek aan oefening) vir nie-oordraagbare siektes (NCD’s).

Deel van die WHO se wêreld- aksieplan vir die voorkoming en beheer van NCD’s is die vermindering van veranderlike risikofaktore vir die siektes deur die skep van ’n bevorderlike omgewing vir gesondheid.

Volgens die WHO is sterftes en morbiditeit van NCD’s een van die grootste uitdagings vir ontwikkeling in die 21ste eeu.

Sowat 40 miljoen mense sterf jaarliks aan dié siektes, wat 15 miljoen mense tussen die ouderdomme van 30 en 69 jaar insluit.

Die organisasie sê die las styg buite verhouding in lae- en laer-middelinkomstelande, met die sterftes wat die armstes en kwesbaarstes buite verhouding raak.

Die meerderheid van voortydige NCD-sterftes is weens vier siektes naamlik hartsiektes, kanker, diabetes en chroniese respiratoriese siektes.

Hansen het verwys na die WHO se verslag oor “Best Buys” vir NCD’s en in veral tabakbeheer waartoe Namibië hom as lidland weer tydens die onlangse 27ste Wêreldgesondheidsvergadering in Genève, Switserland, verbind het.

Tydens die vergadering het Namibië die prioritisering van NCD’s ondersteun.

“Die nasionale kankerbeheerplan is ’n konsepdokument vir meer as vyf jaar. In die dokument word die bestuur van tabakbeheer en tabak duidelik gedefinieer en word daarteen gewaarsku,” het Hansen gesê.

Hy het verwys na Namibië wat in Mei tydens ’n hoëvlak ontmoeting in Switserland erken het verbeterings moet op primêre gesondheidsvlak gemaak word.

Verwysing is ook gemaak na die takel van die risiko van NCD’s deur middel van die WHO se Best Buys, wat die beheer van tabak insluit.

Deel van die WHO se voorstelle vir ingrypings vir tabakbeheer, wat Namibië onderskryf, sluit in ’n verhoging van aksynsbelasting en pryse op tabakprodukte, groot grafiese gesondheidswaarskuwings op alle tabakpakkies, ’n volledige verbod op tabakadvertensies, bemarking en borgskappe, die uitwissing van blootstelling aan tweedehandse tabakrook in alle binnenshuise werkplekke, in die openbaar en openbare vervoer, sowel as die implementering van massamedia-veldtogte wat die publiek inlig oor die skade van rook en tweedehandse rook.

Die goedkeuring van die tabakplaas skend volgens Hansen die kern van die Namibiese tabakbeheerwet, wat groot internasionale aansien op die front aan Namibië verleen het.

Tabakplantasies en –produksie het volgens hom ernstige negatiewe gevolge op werkers se gesondheid en maatskaplike welstand, asook ’n verwoestende uitwerking op die omgewing.

Hansen sê die ontbossing vir die groei van tabak hou ook ernstige omgewingsgevolge in, wat insluit die verlies aan biodiversiteit, waterbesoedeling en gronderosie.

Volgens Hansen kan die gebruik van grond in lae- en middelinkomstelande vir bestaansboerdery na tabak as ’n “kontant-oes” herlei word.

“As gevolg van uitgebreide tabakverbouing is daar korttermyn- ekonomiese voordele vir boere, maar daar is langtermyn- maatskaplike, ekonomiese, gesondheids- en omgewingskade op groot skaal.”

Hansen het gesê bogenoemde is sleutelelemente om die volhoubare ontwikkelingsdoelwitte te behaal wat Namibië onderneem het om te hou.

“Met sy besluit om tabakboerdery in die land toe te laat, het die regering eintlik ’n doodsvonnis vir hierdie droom geteken,” sê hy.

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...