T20-WB: Namibië kies David Wiese

Krieket Namibië het sy 15 spelers aangekondig vir die land se naderende debuutverskyning by die T20 Wêreldbekertoernooi in die Verenigde Arabiese Emirate.Die opspraakwekkende insluiting is dié van David Wiese, die 36-jarige voormalige Proteas-speler wat vir Namibië kwalifiseer op grond van die feit dat sy pa hier gebore is.Wiese het Suid-Afrika tussen 2013 en 2016 in T20- en eendagkrieket verteenwoordig, voordat hy ’n Kolpak-kontrak onderteken en sodoende sy internasionale loopbaan beëindig het. Hy het sedertdien die wêreld deurkruis en in T20-ligas in onder meer Pakistan, Bangladesj, Engeland en Wes-Indië gespeel. Wiese het Donderdag in die Karibbiese premierliga vir Faf du Plessis se St. Lucia Kings-franchise teen die Jamaica Tallawahs gespeel.Vyf jaar ná sy laaste wedstryd vir die Proteas en vorige verskyning in die T20 Wêreldbeker het Wiese hom beskikbaar gestel om vir Namibië te speel – hoewel hy nog nie enige van die span se wedstryde sover betrokke was nie.Vandat Namibië in 2019 vir die T20 Wêreldbeker gekwalifiseer het, het JP Kotzé en Zhivago Groenewald hul uittrede aangekondig, terwyl die weglating van Niko Davin en Christi Viljoen ook ’n aanduiding is van die groeiende diepte van jong en ervare spelers wat onder afrigterskap van Pierre de Bruyn gekweek is.DIE AANGEWESE NAMIBIESE SPANGerhard Merwe Erasmus (kaptein)JJ Smit (onderkaptein)Stephen BaardKarl BirkenstockMichau du Preez (paaltjiewagter)Jan FrylinckZane Green (paaltjiewagter)Nicol Loftie-EatonBernard ScholtzBen ShikongoRuben TrumpelmannMichael van LingenDavid WieseCraig WilliamsPicky Ya FranceDie amptelike (reisende) reserwespeler is Mauritius Ngupita.• Die Eagles se openingswedstryd is op 18 Oktober teen Sri Lanka, gevolg deur kragmetings teen Nederland en Ierland op 20 en 22 Oktober. Net twee uit hierdie vier spanne sal tot die Supertwaalf-fase van die toernooi vorder.

T20-WB: Namibië kies David Wiese

Kommentaar

Republikein 2026-03-04

Meld asseblief aan om kommentaar te lewer

T20-WB: Namibië kies David Wiese

Kommentaar

Republikein 2026-03-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.