T20-honderdtal vir Lo-han vergeefs

Andrew Poolman – Lo-han Louwrens het as kaptein die enigste honderdtal van die naweek aangeteken, maar dit was tydens een van sy span Trustco United se twee uit drie verloorwedstryde op die openingsnaweek van Krieket Namibië se T20 premierliga.Louwrens se Filistyne het wel laaste gelag toe hulle op hul eie Gemsbokpark vir WHS Old Boys in 'n hinderlaag gelei en met sewe paaltjies gewen het.'n Paar lae kolftotale het die naweek se wedstryde ietwat ontsier – wat hopelik beter sal gaan namate die nuwe klubseisoen aan die gang kom, in die afwesigheid van die nasionale Eagles-toerspan wat by die Wêreldbeker hul man staan.Die draaibouler Danie van Schoor was speler van die wedstryd in beide die oorwinnings wat Samsung Wanderers se eerste span behaal het.Wanderers het wegwedstryde teen beide Trustco United (met agt paaltjies) en CCD Tigers (met vyf paaltjies) gewen.Die opgesomde verloop van die openingsnaweek: WANDERERS KLOP UNITEDUnited-veld: Wanderers wen die loot en boul. United, met een speler kort, skraap net 50/9 in 14.4 boulbeurte bymekaar, met die enigste dubbelsyfers deur die kaptein Lo-han Louwrens (12 van 23 balle, 1x4); Christiaan Schumacher (11 van 13 balle, 2x4) en Hendrik van der Walt (11 van 18 balle). Danie van Schoor neem drie laat paaltjies (3/3 in 2 boulbeurte) ná die vroeër skade wat deur Tommie van der Merwe (2/7 in 4) en Ruben Claassen (2/7 in 3) aangerig is.Die Wanderers-kolfpoging verloor JC Balt (7) en Danie van Schoor (5), maar Wessel Myburgh (23 nie uit nie van 21 balle, 1x4 2x6) en Niko Davin (12* van 6 balle, 1x4 1x6) kom op 33/2 bymekaar en handel gou die sakie af vir 'n oorwinning met agt paaltjies, ná 8.1 bb. WANDERERS KLOP CCD TIGERSCCD-veld: Wanderers en die loot en boul. CCD sluit af op 94/5. Hoewel Ramon Wilmot (2) gou uitgevang is, het Ryan Moffet (30 van 45 balle, 2x4) saam met sy kaptein Joshaun Julius (39 van 39 balle, 3x4) die bouwerk begin doen. Norbert Manyande is vir net 1 geboul deur Danie van Schoor (3/21 in 4), terwyl Wayne Raw se 14 van 17 geen grenshou bevat het nie.Vir Wanderers kon JC Balt net 1 bydra, maar Wessel Myburgh (29 van 22 balle, 4x4 1x6) en Danie van Schoor (18 van 14 balle, 1x4 1x6) het nie gras onder hul voete laat groei nie.Ramon Wilmot neem 3/15 in 4 bb, maar is een van die skuldiges aan sy span se 19 wydlopers. Colin Schoombee (11* van 13 balle, 1x6) en Ruben Claassen (9* van 12 balle) slaan die wenlopies op 96/5 ná 12.2 boulbeurte. WELWITSCHIA KLOP CCD TIGERSCCD-veld, Saterdag: Die gasheerklub bly net vir 14.5 boulbeurte staande vir 'n teleurstellende totaal van 61 almal uit teen die besoekers van die kus. Afgesien van die kaptein Joshuan Julius (26 van 19 balle) en Albert de Klerk (17 van 20 balle, 1x6) maak niemand van CCD Tigers hond haaraf nie.Die vyf boulers van MR24/7 Welwitschia neem almal paaltjies, gelei deur Zhivago Groenewald (2/7 in 4, twee leeg) en John-Erich Thierauch 2/30 in 4).Die kolfwerk van die besoekers is nie watwonders beter nie en hulle verloor vyf paaltjies voor hulle die kleinerige teiken haal, danksy Pieter Smit, 12), Sean Silver (14), Matthew de Gouveia (14*) en Zhivago Groenewald, die kaptein, met 13 nie uit nie. WELWITSCHIA KLOP UNITEDUnited-veld: Die tuisspan kolf eerste en stel 'n respektabele 157/7 op – danksy die aanvallende kolfwerk van sy kaptein en aanvangskolwer Lo-han Louwrens, wat met sy 65ste bal vir presies 100 uitgevang word. Louwrens het tien viere en vier sesse geslaan, met die jong paaltjiewagter JW Visagie (14 van 16) balle wat die meeste ondersteuning gebied het.Die beste boulers vir die kus se kombinasie was Nyasha Nyasha met 3/18 in vier boulbeurte en Zhivago Groenewald met 0/15 in 3.Welwitschia verloor Marco Malan wat met 'n nulletjie van die eerste bal uitgevang is, maar Pieter Smit (49 van 31 balle, 6x4) en Nyasha Nyasha (50 van 35 balle, 7x4 2x6) bou 'n deurslaggewende vennootskap, waarop voortgebou is deur die onoorwonne paar Sean Silver (29* van 27) en Matthew de Gouveia (23* van 23).As bouler maak Dickson Vambe twee deurbrake (2/36 in 3.2 bb), maar staan dubbeld soveel lopies af as Tawanda Sithole (0/18 in 4). UNITED KLOP WHS OLD BOYSUnited-veld, Saterdag: JP Kotzé, uitgetrede nasionale kolwer, lei WHS Old Boys wat eerste kolf, maar vir 'n totaal van net 77 uitgeboul word.Afgesien van Divan la Cock (21 van 15 balle, 2x4 1x6) het nie genoeg lopies van Kotzé (11), KC Griffiths (12) en die res gekom nie.As bouler is dit Hendrik van der Walt se dag, met vyf paaltjies vir 12 lopies in 3.3 boulbeurte. Tawanda Sithole vaar ook goed (3/17 in 3).Toe United kolf, is Van der Walt eerste uit (3), maar Lo-han Louwrens (28 van 24 balle, 2x4 2x6), JW Visagie (10 van 4 balle, 2x4), Christiaan Schumacher (23 nie uit nie van 23 balle) en Brendan Britten (13* van 14 balle) verseker die vier wenpunte, met 80/3 ná 15.1 boulbeurte. WHS OLD BOYS KLOP WELWITSCHIAWHS Vegkop-stadion, Sondag: Die tuisspan boul eerste teen MR24/7 Welwitschia, wat ná 17.1 boulbeurte almal uitgeboul word vir 103.As kolwer nommer sewe vaar Marco Malan die beste met 19 van 20 balle, wat twee sesse en 'n vier bevat het. Pieter Smit het twee viere geslaan in sy 14 van agt balle.Old Boys se naatbouler Melrich Robyn (3/16 in 2) het die kusspan se topdrie verwyder, terwyl Donavan Zealand (1/16 in 4) min weggegee het voordat die stertkolwers deur Malan Kruger (2/25 in 4) en KC Griffiths (2/7 in 2) uitgehaal is. Tangeni Lungameni het 0/23 in 2 afgestaan.WHS se enigste terugslag was dat die skoolseun Henry van Wyk met sy sewende bal vir 4 uitgeboul is. Hierna het Malan Kruger (31 nie uit nie van 21 balle, 3x4 1x6) en JP Kotzé (52* van 31 balle, 5x4 4x6) tot die aanval oorgegaan en verseker dat die oorwinning met nege paaltjies binne net 9.4 boulbeurte afgehandel word.• Die puntestand ná die eerste naweek: Wanderers en Welwitschia het agt punte elk; United en WHS Old Boys elkeen vier, CCD Tigers nul.FOTO’s Andrew PoolmanLo-han Louwrens, kaptein van Trustco United, het ’n honderdtal in ’n verloorwedstryd teen Welwitschia geslaan, maar sy span het nogtans vir WHS Old Boys geskok.Sean Silver (links) en Matthew de Gouveia het die naweek waardevolle lopies vir MR24/7 Welwitschia aangeteken.

T20-honderdtal vir Lo-han vergeefs

Kommentaar

Republikein 2025-11-07

Meld asseblief aan om kommentaar te lewer

T20-honderdtal vir Lo-han vergeefs

Kommentaar

Republikein 2025-11-07

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.