'Syroete' vir hout
Namibiese omgewingsaktiviste wend hulle die afgelope maande toenemend tot al wat sosialemediaplatform is om hul afkeur in die plundering van Namibië se woudgebiede in die Kavango en Zambezi te kenne te gee.
Videomateriaal wat wys hoe hope gesaagde bome langs hoofroetes gereed lê om na die Walvisbaaise hawe vervoer te word, sien byna daagliks die lig.
Beskermde boomsoorte word in die noordoostelike streke teen 'n kommerwekkende tempo vir die gulsige Chinese houtmark afgekap.
Namibia Media Holdings se indiepteondersoek wys in Kavango-Oos en -Wes is reeds 161 oespermitte vir veral Pterocarpus angolensis (dolfhout ) en die Afrika-palissander deur die ministerie van landbou, water en bosbou uitgereik.
Die aansoekers vir die permitte is kleinskaalse kommersiële boere wat grond op 'n 99 jaar-huurpag-grondslag bekom het en die bome daarop nou aan Chinese houtsmouse verkoop.
Uit die verkoop van 600 bome kan plaasboere ongeveer N$180 000 tot N$270 000 verdien, terwyl die kopers meer as N$3 miljoen maak deur dit hoofsaaklik na China uit te voer.
Volgens die Internasionale Instituut vir die Omgewing en Ontwikkeling (IIED), het houtinvoere uit Afrika deur die hawe van Zhangjiagang in China in 2017 met 60% toegeneem.
Daar word selfs al gepraat van die nuwe “syroete” vir hout uit Afrika.
Namibiërs is bekommerd oor wat in die noordooste aan die gang is en soek antwoorde by die regering.
'n Dringende bosbou-oudit is nodig, gevolg 'n bloudruk vir die volhoubare benutting van bosbouprodukte.
Namibië moet sy groen “long” bewaar.
SÓ SÊ ANDER
Netwerk24, 21 November 2018
Vleklose staatsmanskap bly die ideaal
Pres. Cyril Ramaphosa se regstelling van sy parlementêre antwoord oor 'n skenking van R500 000 deur die omstrede Bosasa, deesdae African Global Group (AGG), en sy voornemens hieroor is alles goed en wel, maar vertroue is in die proses gekneus.
Weens AGG se verdagte verkryging van staatskontrakte en die borgskap van oudpres. Jacob Zuma se verjaardagpartytjies, bring dié skenking Ramaphosa se stryd teen korrupsie in die gedrang. Hierdie sage herbevestig die ANC se traak-my-nie-agtigheid oor botsende belange en die euwel van tenderpreneurskap en gunslone. Wat wel verfrissend is én strook met Ramaphosa se beloftes van skoon regering en sy optrede tot nou, is sy terugbetaling van die gewraakte geld en 'n ondersoek na alle skenkings gedurende sy veldtog om tot ANC-leier verkies te word. Absoluut vleklose staatsmanskap en politieke diens in landsbelang bly die ontwykende ideaal.• netwerk24
Videomateriaal wat wys hoe hope gesaagde bome langs hoofroetes gereed lê om na die Walvisbaaise hawe vervoer te word, sien byna daagliks die lig.
Beskermde boomsoorte word in die noordoostelike streke teen 'n kommerwekkende tempo vir die gulsige Chinese houtmark afgekap.
Namibia Media Holdings se indiepteondersoek wys in Kavango-Oos en -Wes is reeds 161 oespermitte vir veral Pterocarpus angolensis (dolfhout ) en die Afrika-palissander deur die ministerie van landbou, water en bosbou uitgereik.
Die aansoekers vir die permitte is kleinskaalse kommersiële boere wat grond op 'n 99 jaar-huurpag-grondslag bekom het en die bome daarop nou aan Chinese houtsmouse verkoop.
Uit die verkoop van 600 bome kan plaasboere ongeveer N$180 000 tot N$270 000 verdien, terwyl die kopers meer as N$3 miljoen maak deur dit hoofsaaklik na China uit te voer.
Volgens die Internasionale Instituut vir die Omgewing en Ontwikkeling (IIED), het houtinvoere uit Afrika deur die hawe van Zhangjiagang in China in 2017 met 60% toegeneem.
Daar word selfs al gepraat van die nuwe “syroete” vir hout uit Afrika.
Namibiërs is bekommerd oor wat in die noordooste aan die gang is en soek antwoorde by die regering.
'n Dringende bosbou-oudit is nodig, gevolg 'n bloudruk vir die volhoubare benutting van bosbouprodukte.
Namibië moet sy groen “long” bewaar.
SÓ SÊ ANDER
Netwerk24, 21 November 2018
Vleklose staatsmanskap bly die ideaal
Pres. Cyril Ramaphosa se regstelling van sy parlementêre antwoord oor 'n skenking van R500 000 deur die omstrede Bosasa, deesdae African Global Group (AGG), en sy voornemens hieroor is alles goed en wel, maar vertroue is in die proses gekneus.
Weens AGG se verdagte verkryging van staatskontrakte en die borgskap van oudpres. Jacob Zuma se verjaardagpartytjies, bring dié skenking Ramaphosa se stryd teen korrupsie in die gedrang. Hierdie sage herbevestig die ANC se traak-my-nie-agtigheid oor botsende belange en die euwel van tenderpreneurskap en gunslone. Wat wel verfrissend is én strook met Ramaphosa se beloftes van skoon regering en sy optrede tot nou, is sy terugbetaling van die gewraakte geld en 'n ondersoek na alle skenkings gedurende sy veldtog om tot ANC-leier verkies te word. Absoluut vleklose staatsmanskap en politieke diens in landsbelang bly die ontwykende ideaal.• netwerk24
Kommentaar
Republikein
Geen kommentaar is op hierdie artikel gelaat nie