Sykes pak sy stewels weg ná hy 'amper dood' was
Afgesien van die laaste sarsie harsingskuddings was hy grootliks gelukkig om sy loopbaan sonder ernstige beserings af te sluit, sê die geharde slot.
Michael Green
Die veteraan-slot Steven Sykes het so stil-stil sy rugbystewels weggepak nadat hy ses keer binne ses maande harsingskudding in Frankryk opgedoen het.
“Ek het al verlede jaar in my laaste wedstryd gespeel. Dit het my 'n ruk geneem om finaal te besluit om uit te tree, want daar was nog 'n kans dat ek in Frankryk as 'n speler/afrigter sou voortgaan, maar nee, ek is klaar,” sê die 36-jarige Sykes.
Sykes het in sy lang loopbaan meer as 300 eersterangse wedstryde gespeel en het onder meer vir die Haaie, Leinster, die Southern Kings, Oostelike Provinsie en die Cheetahs uitgedraf.
Hy het die laaste paar jaar vir Oyonnax in Frankryk gespeel en het ook dié span aangevoer.
Dit was egter ook by Oyonnax wat hy “in die grond in gespeel” is.
“Ek was amper dood. Ses keer harsingskudding in ses maande en die klub het net gesê ek moet speel,” brom Sykes.
Op 'n kol het hy net besluit genoeg is genoeg en nou is hy terug in Port Elizabeth, waar hy as finansiële raadgewer werk.
“Eintlik was ek gelukkig met beserings, behalwe vir die harsingskudding. Ek het so 'n paar keer met my knieë gesukkel en my een skouer het 'n slag gelol, maar verder was ek orraait,” sê hy.
As nagedagte onthou Sykes die keer toe hy amper 'n vinger verloor het.
“Ek het Mathieu Bastareaud een keer in 'n klubwedstryd in Frankryk geduik en toe ek opstaan, sien ek die vleis is van die voorste lid van my ringvinger af,” vertel Sykes.
Hy het toe maar die vleis teruggedruk oor die beentjie wat daar uitgesteek het en na die spandokter gestap en gevra hy moet gou die spulletjie weer vaswerk, asseblief.
“Die dokter het amper flou geword,” merk Sykes droog op.
Onder die hoogtepunte in sy speeldae tel die “amper drie keer” wat hy in 2009 teen die Britse en Ierse Leeus gespeel het.
“Ek het vir die Haaie en vir die Opkomende Bokke teen die Leeus gespeel en toe word ek as plaasvervanger vir die Springbokke vir die derde toets gekies,” sê Sykes.
Hy is ongelukkig nooit deur Peter de Villiers, wat toe die Bokke afgerig het, opgestuur nie en het dus nie sy Springbokkleure gekry nie.
“Dit was ook vir my wonderlik om saam met die Haaie twee keer die Curriebeker te wen,” sê Sykes.
Hy sonder Johan Ackermann uit as een van die spelers by wie hy die meeste geleer het as jong slot.
“Ek kon nie verstaan hoe hy voor my by die losskrums uitkom nie. Gelukkig het hy my later ook die kortpaadjies geleer,” sê Sykes.
Vir Stefan Terblanché, John Smit en Johann Muller het hy ook baie respek as leiers en voorbeeldige spanmaats in sy tyd by die Haaie gekry.
“Ek het in my loopbaan teen 'n paar taai en goeie spelers gespeel. Daar was Sam Whitelock, Troy Flavell, Brad Thorn en natuurlik Victor Matfield en Bakkies Botha,” sê Sykes.
– Netwerk24
Die veteraan-slot Steven Sykes het so stil-stil sy rugbystewels weggepak nadat hy ses keer binne ses maande harsingskudding in Frankryk opgedoen het.
“Ek het al verlede jaar in my laaste wedstryd gespeel. Dit het my 'n ruk geneem om finaal te besluit om uit te tree, want daar was nog 'n kans dat ek in Frankryk as 'n speler/afrigter sou voortgaan, maar nee, ek is klaar,” sê die 36-jarige Sykes.
Sykes het in sy lang loopbaan meer as 300 eersterangse wedstryde gespeel en het onder meer vir die Haaie, Leinster, die Southern Kings, Oostelike Provinsie en die Cheetahs uitgedraf.
Hy het die laaste paar jaar vir Oyonnax in Frankryk gespeel en het ook dié span aangevoer.
Dit was egter ook by Oyonnax wat hy “in die grond in gespeel” is.
“Ek was amper dood. Ses keer harsingskudding in ses maande en die klub het net gesê ek moet speel,” brom Sykes.
Op 'n kol het hy net besluit genoeg is genoeg en nou is hy terug in Port Elizabeth, waar hy as finansiële raadgewer werk.
“Eintlik was ek gelukkig met beserings, behalwe vir die harsingskudding. Ek het so 'n paar keer met my knieë gesukkel en my een skouer het 'n slag gelol, maar verder was ek orraait,” sê hy.
As nagedagte onthou Sykes die keer toe hy amper 'n vinger verloor het.
“Ek het Mathieu Bastareaud een keer in 'n klubwedstryd in Frankryk geduik en toe ek opstaan, sien ek die vleis is van die voorste lid van my ringvinger af,” vertel Sykes.
Hy het toe maar die vleis teruggedruk oor die beentjie wat daar uitgesteek het en na die spandokter gestap en gevra hy moet gou die spulletjie weer vaswerk, asseblief.
“Die dokter het amper flou geword,” merk Sykes droog op.
Onder die hoogtepunte in sy speeldae tel die “amper drie keer” wat hy in 2009 teen die Britse en Ierse Leeus gespeel het.
“Ek het vir die Haaie en vir die Opkomende Bokke teen die Leeus gespeel en toe word ek as plaasvervanger vir die Springbokke vir die derde toets gekies,” sê Sykes.
Hy is ongelukkig nooit deur Peter de Villiers, wat toe die Bokke afgerig het, opgestuur nie en het dus nie sy Springbokkleure gekry nie.
“Dit was ook vir my wonderlik om saam met die Haaie twee keer die Curriebeker te wen,” sê Sykes.
Hy sonder Johan Ackermann uit as een van die spelers by wie hy die meeste geleer het as jong slot.
“Ek kon nie verstaan hoe hy voor my by die losskrums uitkom nie. Gelukkig het hy my later ook die kortpaadjies geleer,” sê Sykes.
Vir Stefan Terblanché, John Smit en Johann Muller het hy ook baie respek as leiers en voorbeeldige spanmaats in sy tyd by die Haaie gekry.
“Ek het in my loopbaan teen 'n paar taai en goeie spelers gespeel. Daar was Sam Whitelock, Troy Flavell, Brad Thorn en natuurlik Victor Matfield en Bakkies Botha,” sê Sykes.
– Netwerk24
Kommentaar
Republikein
Geen kommentaar is op hierdie artikel gelaat nie