Swye terwyl die kerk brand

Teen die skeuring skryf:Kan die kerkraad (Church Council) van die ELKRN vir ons antwoorde gee oor sekere sake, ondermeer die sogenaamde "Exodus Lutherse Gemeente" op Rehoboth (Blok E). Die "pastoor" wat hierdie "gemeente" gestig het, het uit sy amp as ''n pastoor van die ELKRN bedank. Dit is geen geheim nie. Hy gebruik egter die doopseëls, bydraekaarte, die agendas en alle dokumente van die ELKRN. Hy doop, begrawe en neem lidmate aan in die naam van die Lutherse Kerk, waaruit hy bedank het. Is dit reg, agbare biskop, visebiskop, hoofsekretaris en alle lede van die kerkraad? As dit verkeerd is, moet u optree, asseblief. Daar is ook ''n "Halleluja"- en "Immanuel"-gemeente wat presies dieselfde doen. As u nie teen hierdie mense optree nie, sal daar nog ander "gemeentes" onder die naam van die ELKRN gestig word. Die hartseerlikste en die pynlikste vir my, veral in Rehoboth, is dat familiebande gebreek is. Onskuldige oumense is saamgesleep. Grootmense wat jare lank lojaal was teenoor hul kerk is hul jare se sweet en moeite ontneem en ek is honderd persent seker dat baie van die "Exodus"-lede net saam met die stroom geloop het en nie alles weet wat hulle moet weet nie. Ek wil my hoed afhaal vir hulle wat betyds wakker geskrik het en na die Ebenhaeser-parogie teruggekom het. Al die gemeentes en parogieë van die ELKRN staan onder die leiding van biskop Ernst //Gamxamub en sy adjunk, Paul Hatani Kisting. Wie is die biskop van die "Exodus"? Die vroue wat na Exodus getrek het, dra met trots hul spelde, maar daardie spelde behoort aan die ELKRN en mag net deur vrouekringe van die Evangelies Lutherse Kerk in die Republiek van Namibië gedra word. My vriendelike beroep op almal wat uit die Ebenhaeser-parogie getrek het, is om net terug te kom. U sal met ope arms terug ontvang word en dan bly u ''n trotse Lutheraan. Die ELKRN het net twee parogie- in Rehoboth, naamlik die Ebenhaeser en die Paulus-parogie. Agbare kerkleiers, doen iets. Ek is ''n trotse Lutheraan en kan nie met wanorde saamlewe nie. U stilswye terwyl die huis brand is ''n saak van kommer. Ek hoop dat ek vir u alles duidelik gemaak het en dat die waarheid ons almal sal vrymaak. Mag die Here met ons wees, ons behoed en bewaar.

Swye terwyl die kerk brand

Kommentaar

Republikein 2025-11-05

Meld asseblief aan om kommentaar te lewer

Swye terwyl die kerk brand

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.