Switserse weermag kry geld vir parfuum

Die Switserse weermag gaan ’n deel van die wins verdien van ’n parfuum wat onder die handelsmerk “Swiss Army” bemark word.Victorinox, wat die wêreldbekende Switserse weermagmesse maak, maak nou ook ’n parfuum wat onder dié handelsnaam bemark word.Die Switserse weermag het ’n klag ingedien omdat dié produk onder sy naam bemark word.Hy en Victorinox het nou ’n ooreenkoms geteken waarvolgens die winste wat met die verkoop van dié parfuum gemaak word, gedeel gaan word.Die saak is Donderdag in ’n handelshof in Bern, Switserland, aangehoor.Die onderskeie partye het binne ’n dag besluit om eerder te onderhandel en het ’n ooreenkoms bereik.Armasuisse, ’n verkrygingsagentskap wat die mandaat het om die Switserse weermag, leër en lugmag se handelsname te beskerm, het die saak namens dié instansies hanteer.Armasuisse het twee jaar gelede ook ’n saak gewen toe hy Star Trade, wat sjokolade as “Switserse weermagsjokolade” sonder sy toestemming bemark het, hof toe geneem het.Dié sjokolade word nou as “Royal Army”-sjokolade bemark.Die Switserse regering het in 2017 sowat $1,1 miljoen uit lisensiegeld verdien uit produkte wat toestemming het om handelsname wat hulle aan die regering verbind, te gebruik.Die Switserse weermagmes is vir die eerste keer in die 1880’s gemaak.Die weermag het ’n stuk gereedskap nodig gehad wat soldate as eetgerei kon gebruik, maar wat ook gebruik kon word om ’n geweer mee uitmekaar te haal.Die eerste klomp van dié messe is oorspronklik in Duitsland gemaak.Karl Elsener, wat later die maatskappy Victorinox sou stig, het produksie later na die Switserse stad Ibach geskuif.– Bloomberg/Netwerk24

Switserse weermag kry geld vir parfuum

Kommentaar

Republikein 2025-09-18

Meld asseblief aan om kommentaar te lewer

Switserse weermag kry geld vir parfuum

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie