Swendelaars teiken hoë geplaastes in onderwysministerie

Die ministerie van onderwys, kuns en kultuur sê 'n sindikaat teiken hoëgeplaastes in die ministerie. Volgens 'n verklaring vra die swendelaars finansiële hulp vir uitgawes vir die vervoer van 'n amptelike buitelandse afvaardiging. Die nommers wat onder meer gebruik word, sluit 081 727 0072 081 385 8982 in. Volgens die verklaring moet inligting altyd by die ministerie bevestig word en sal dit nooit 'n versoek vir finansiële ondersteuning op so 'n "gewetenlose" manier rig nie.