Swaziland se Badenhorst wys sy klas
Swaziland het sy plek in die kwarteindronde van die 2016 Cosafa-bekertoernooi bespreek toe hy Woensdagaand in die Onafhanklikheidstadion sy groep A-wedstryd teen Madagaskar met 1-0 gewen het. Volgende wag Zambië.
Sedert die toernooi in Windhoek verlede Saterdag afgeskop het, kon die hoog gerekende Zimbabwe nog nie aan die gang kom nie. Net een van sy drie groep A-wedstryde was ’n wen en dit was toe hy Woensdag vir Seychelle met 5-0 verniel het. Dié oorwinning teen die eilandnasie sou genoeg gewees het om hulle tot die kwarteindstryd te laat deurdring, maar net as die Swazi’s hul laaste wedstryd teen Madagaskar verloor het.
Felix Badenhorst, giftige aanvaller van Swaziland, het sy vyfde doel van die toernooi met ’n perfekte kopskoot behaal wat hom die voorste doelskieter sover maak. Gabadinho Mhango van Malawi met drie doele en Lawrence Mhlanga van Zimbabwe met twee doele elk is die enigste ander met meer as een kolskoot.
Swaziland kon nie teen die Malgasse maak wat hulle wou nie en moes tot in die 71ste minuut wag voordat Badenhorst die telling 1-0 gemaak het. Badenhorst het vroeër twee doele elk teen beide Seychelle en Zimbabwe behaal. Woensdagaand was hy opnuut die speler van die wedstryd.
• Zimbabwe se pynlike gesukkel is uiteindelik reggeruk teen die ontspoorde Seychelle, wat vir die tweede jaar agtereenvolgens sonder ’n doel uit die toernooi geboender is.
Ronald Pfumbidzai het in die 23ste minuut Zim se eerste doel met ’n strafskop behaal, voor Tatenda Mudehwe sy bydrae in die 37ste minuut gelewer het (2-0). Lawrence Mhlanga, wat op die laaste oomblik in die beginelftal vir Elisha Muroiwa moes vervang, het sy kans aangegryp om die doelnet twee keer (64ste en 90ste minuut) te vind. Teenage Hadebe was sy span se ander doelskieter om die eindtelling op 5-0 te laat staan.
In groep B kon nie een van Angola of Mauritius daarin slaag om ’n wedstryd te wen nie en die uitslag van hul botsings gisteraand was bloot van akademiese belang.
Lesotho en Malawi is egter ’n ander storie. Beide spanne spog ná twee wedstryde met vier punte, maar die manne van die bergkoningkryk het een doel meer (5 doele) as Malawi aangeteken. Nie een van hulle het ’n doel afgestaan nie en gisteraand se wedstryd was ’n geval van alles of niks. ’n Gelykopuitslag sou genoeg wees vir Lesotho om môre teen Suid-Afrika sy plek in die kwarteindstryd in te neem. - Cosafa.com
Sedert die toernooi in Windhoek verlede Saterdag afgeskop het, kon die hoog gerekende Zimbabwe nog nie aan die gang kom nie. Net een van sy drie groep A-wedstryde was ’n wen en dit was toe hy Woensdag vir Seychelle met 5-0 verniel het. Dié oorwinning teen die eilandnasie sou genoeg gewees het om hulle tot die kwarteindstryd te laat deurdring, maar net as die Swazi’s hul laaste wedstryd teen Madagaskar verloor het.
Felix Badenhorst, giftige aanvaller van Swaziland, het sy vyfde doel van die toernooi met ’n perfekte kopskoot behaal wat hom die voorste doelskieter sover maak. Gabadinho Mhango van Malawi met drie doele en Lawrence Mhlanga van Zimbabwe met twee doele elk is die enigste ander met meer as een kolskoot.
Swaziland kon nie teen die Malgasse maak wat hulle wou nie en moes tot in die 71ste minuut wag voordat Badenhorst die telling 1-0 gemaak het. Badenhorst het vroeër twee doele elk teen beide Seychelle en Zimbabwe behaal. Woensdagaand was hy opnuut die speler van die wedstryd.
• Zimbabwe se pynlike gesukkel is uiteindelik reggeruk teen die ontspoorde Seychelle, wat vir die tweede jaar agtereenvolgens sonder ’n doel uit die toernooi geboender is.
Ronald Pfumbidzai het in die 23ste minuut Zim se eerste doel met ’n strafskop behaal, voor Tatenda Mudehwe sy bydrae in die 37ste minuut gelewer het (2-0). Lawrence Mhlanga, wat op die laaste oomblik in die beginelftal vir Elisha Muroiwa moes vervang, het sy kans aangegryp om die doelnet twee keer (64ste en 90ste minuut) te vind. Teenage Hadebe was sy span se ander doelskieter om die eindtelling op 5-0 te laat staan.
In groep B kon nie een van Angola of Mauritius daarin slaag om ’n wedstryd te wen nie en die uitslag van hul botsings gisteraand was bloot van akademiese belang.
Lesotho en Malawi is egter ’n ander storie. Beide spanne spog ná twee wedstryde met vier punte, maar die manne van die bergkoningkryk het een doel meer (5 doele) as Malawi aangeteken. Nie een van hulle het ’n doel afgestaan nie en gisteraand se wedstryd was ’n geval van alles of niks. ’n Gelykopuitslag sou genoeg wees vir Lesotho om môre teen Suid-Afrika sy plek in die kwarteindstryd in te neem. - Cosafa.com
Kommentaar
Republikein
Geen kommentaar is op hierdie artikel gelaat nie