Swartbooi beplan nie nuwe party
'Mens sluit nie by politiek aan om te bedel en buig nie.'
Catherine Sasman - Mnr. Bernadus Swartbooi, voormalige adjunkminister van grondhervorming en Swapo-agterbanker, het gerugte ontken dat die Beweging van Grondlose Mense 'n nuwe politieke party gaan word.
Hy het gereageer op 'n voorstel wat op 4 Februarie grappenderwys tydens 'n massa-optog op Keetmanshoop deur mnr. Festus Muundjua van die Ovaherero Tradisionele Owerheid (OTA) gemaak is.
Muundjua het gesê Swartbooi moet as president van 'n nuwe politieke party verklaar word.
Swartbooi het gesê die Beweging van Grondlose Mense streef daarna om mense van alle politieke affiliasies en streke te verenig.
“Dit is nie 'n politieke party nie, maar ek weet hoe 'n eng persoon se gedagtes werk. Hulle sal nou sê: 'Sien jy, hy het die uitvoerende beamptes van 'n nuwe politieke party bekend gestel',” het Swartbooi gesê nadat hy die beweging se uitvoerende komitee by die byeenkoms aangekondig het.
Hy het bygevoeg: “Ons probleme sal nie deur politieke partye hanteer word nie, en as jy nie daarmee saamstem nie, sal jy nie nog een gaan stig nie. Terwyl van ons lede van Swapo is, is ander lede van ander politieke partye. Dit is wat ons sê. Die grondkwessie is vir ons 'n gemeenskaplike doel.”
Die vuurvreter-politikus het 'n paar neerhalende opmerkings gemaak teenoor individue wat hy as “gulsige” en “gewetenlose” politieke leiers beskryf. “As jy die politiek betree om jouself te verryk, rus die oordeel by jou.”
Swartbooi het gesê hy sou nie sy standpunt oor die grondkwessie laat vaar nie, omdat hy nie belangstel in die pos van “'n adjunkminister en 'n swart Mercedes” nie, en dat hy ook nie verskoning sou vra vir kommentaar wat hy gelewer het nie.
“Jy vra nie verskoning vir wat gemeenskappe nodig het nie. Jy sluit nie by die politiek aan om te bedel en te buig nie,” het hy gesê.
Hy het ook gesê sommige politici se stilswye beteken hulle wil hul brood aan beide kante gebotter hê.
DIE GRONDKONFERENSIE
Swartbooi stel 'n nuwe benadering tot die grondkwessie voor, omdat die bestaande model nie die vermindering van armoede takel nie.
Hy het weer beklemtoon dat die huidige hervestigingsprogram “maar kan toemaak, want dit is nutteloos”.
Sy harde aanslag spruit voort uit die feit dat dit die hervestigingsprogram se teiken is om teen 2020 altesaam 5 miljoen hektaar aan te koop en te verdeel, terwyl meer as 50 miljoen hektaar deur kolonialisme en apartheid onteien is.
Hy het ook die weglating van grondonteiening as 'n kwalifiserende maatstaf vir hervestiging gekritiseer en gesê veteraanstatus mag nie een van dié vereistes wees nie.
Swartbooi het voorts gesê herstellende geregtigheid vir grond wat onteien is, is die basis van die vraag na eise oor voorvaderlike grondregte.
Hy het gesê 'n tweede konferensie vir grondloses moet die voorgestelde tweede nasionale grondkonferensie voorgaan, en het bygevoeg dat as dít nie resultate lewer nie, die stryd na die howe en die internasionale gemeenskap soos die Verenigde Nasies, Afrika-unie en Suider-Afrikaanse Ontwikkelingsgemeenskap geneem sal word.
Hy het gereageer op 'n voorstel wat op 4 Februarie grappenderwys tydens 'n massa-optog op Keetmanshoop deur mnr. Festus Muundjua van die Ovaherero Tradisionele Owerheid (OTA) gemaak is.
Muundjua het gesê Swartbooi moet as president van 'n nuwe politieke party verklaar word.
Swartbooi het gesê die Beweging van Grondlose Mense streef daarna om mense van alle politieke affiliasies en streke te verenig.
“Dit is nie 'n politieke party nie, maar ek weet hoe 'n eng persoon se gedagtes werk. Hulle sal nou sê: 'Sien jy, hy het die uitvoerende beamptes van 'n nuwe politieke party bekend gestel',” het Swartbooi gesê nadat hy die beweging se uitvoerende komitee by die byeenkoms aangekondig het.
Hy het bygevoeg: “Ons probleme sal nie deur politieke partye hanteer word nie, en as jy nie daarmee saamstem nie, sal jy nie nog een gaan stig nie. Terwyl van ons lede van Swapo is, is ander lede van ander politieke partye. Dit is wat ons sê. Die grondkwessie is vir ons 'n gemeenskaplike doel.”
Die vuurvreter-politikus het 'n paar neerhalende opmerkings gemaak teenoor individue wat hy as “gulsige” en “gewetenlose” politieke leiers beskryf. “As jy die politiek betree om jouself te verryk, rus die oordeel by jou.”
Swartbooi het gesê hy sou nie sy standpunt oor die grondkwessie laat vaar nie, omdat hy nie belangstel in die pos van “'n adjunkminister en 'n swart Mercedes” nie, en dat hy ook nie verskoning sou vra vir kommentaar wat hy gelewer het nie.
“Jy vra nie verskoning vir wat gemeenskappe nodig het nie. Jy sluit nie by die politiek aan om te bedel en te buig nie,” het hy gesê.
Hy het ook gesê sommige politici se stilswye beteken hulle wil hul brood aan beide kante gebotter hê.
DIE GRONDKONFERENSIE
Swartbooi stel 'n nuwe benadering tot die grondkwessie voor, omdat die bestaande model nie die vermindering van armoede takel nie.
Hy het weer beklemtoon dat die huidige hervestigingsprogram “maar kan toemaak, want dit is nutteloos”.
Sy harde aanslag spruit voort uit die feit dat dit die hervestigingsprogram se teiken is om teen 2020 altesaam 5 miljoen hektaar aan te koop en te verdeel, terwyl meer as 50 miljoen hektaar deur kolonialisme en apartheid onteien is.
Hy het ook die weglating van grondonteiening as 'n kwalifiserende maatstaf vir hervestiging gekritiseer en gesê veteraanstatus mag nie een van dié vereistes wees nie.
Swartbooi het voorts gesê herstellende geregtigheid vir grond wat onteien is, is die basis van die vraag na eise oor voorvaderlike grondregte.
Hy het gesê 'n tweede konferensie vir grondloses moet die voorgestelde tweede nasionale grondkonferensie voorgaan, en het bygevoeg dat as dít nie resultate lewer nie, die stryd na die howe en die internasionale gemeenskap soos die Verenigde Nasies, Afrika-unie en Suider-Afrikaanse Ontwikkelingsgemeenskap geneem sal word.
Kommentaar
Republikein
Geen kommentaar is op hierdie artikel gelaat nie