Swapo verkies politburo

Pres. Hage Geingob het Saterdag tydens die eerste sitting van die nuwe sentrale komitee wat voorverlede naweek tydens die kongres verkies is, sy ses kandidate vir die sentrale komitee bekend gemaak.Geingob het die keer nie weer 'n reddingsboei gegooi na Swapo-lede wat hom en die sogenaamde Harambee-span teengestaan het nie. Mense soos me. Pendukeni Iivula-Ithana, mnre. Nahas Angula, Jerry Ekandjo en Helmut Angula wat sedert die eerste kongres ná onafhanklikwording gehou is nog altyd op die sentrale komitee gedien het, is die keer afwesig.Die ses kandidate is die minister van finansies, mnr. Calle Schlettwein; die minister van arbeid en maatskaplike welsyn, mnr. Erkki Nghimtina; die minister van verdediging, mnr. Penda ya Ndakolo, en me. Christina //Hoebes, ‘n adjunkminister in die kantoor van die eerste minister.Die ander twee aanstellings is die jong Jennery Matundu, die hoof- gemeenskapskakelbeampte vir die ministerie van geslagsgelykheid en maatskaplike welsyn op Opuwo in die Kunenestreek, en die afgetrede onderwyseres me. Coleen van Wyk, van die Rehoboth-Wes-kiesafdeling.Schlettwein, Ya Ndakolo, Nghimtina, //Hoebes en Van Wyk is ook deur die sentrale komitee tot die party se politburo verkies.Sowel die lede van sentrale komitee as die politburo sal vir die volgende vyf jaar in hul ampte dien. Met die aankondiging van die name en hul in inhuldiging by die parlementsgebou in Windhoek, het die regsgeleerde mnr. Sisa Namandje gesê altesaam 711 stemme is in die verkiesing uitgebring.Die volle sentrale komitee, bestaande uit 84 lede, insluitende die 56 wat by die kongres verkies is; 14 streeksgoewerneurs; verteenwoordigers van die vier Swapo-vleuels, en die ses lede wat deur die president aangestel is, het aan die verkiesing van lede van die politkomitee deelgeneem.By die geleentheid is ook aangekondig dat twee bykomende lede deur die president op die politburo aangestel sal word. Hulle name sal in die volgende weke bekend gemaak word. - Nampa/Eie berigKassie 1:Mans:Nangolo Mbumba Albert Kawana John Mutorwa Pohamba Shifeta Peter Katjavivi Alpheus !Naruseb Calle Schlettwein Tobie Aupindi Bernard Esau Veiko Nekundi Utoni Nujoma Penda ya Ndakolo Erkki Nghimtina Peya Mushelenga Erastus Uutoni Sacky Shanghala Charles Namoloh Tjekero Tweya Uahekua Herunga Asser Kapere Clemens Kashuupulwa Elia Kaiyamo Leon Jooste Festus Ueitele Erginus Endjala Mukwaita Shanyengana Tommy Nambahu Petrus Nevonga Usko Nghaamwa Modestus Amutse Royal JK /Ui/o/oo Kassie 2Vroue:Saara Kuugongelwa-Amadhila Laura McLeod-Katjirua Doreen Sioka Katrina Hanse-Himarwa Maggie Mensah-Williams Hilma Nicanor Lucia Ipumbu Sirka Ausiku Kornelia Shilunga Christina //Hoebes Eunice Iipinge Maria Bernadette Jagger Eveline Nowases-Taeyele Loide Kasingo Anna Shiweda Lempy Lukas Ida Hoffman Coleen van Wyk

Swapo verkies politburo

Kommentaar

Republikein 2026-05-05

Meld asseblief aan om kommentaar te lewer

Swapo verkies politburo

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.