Swapo se voorsprong gaan krimp, sê kenner

Denver KistingDr. Saara Kuugongelwa-Amadhila, die eerste minister, sê Namibiërs moet deur die bank hand in eie boesem steek om die land se lot te verbeter.Sy het Vrydag by navraag aan Republikein gesê: “My verwagtinge vir die jaar is dat ons, as Namibiërs oor die breë spektrum van ons samelewing, ons pogings sal verdubbel en saamspan om ons lot te verbeter, en 'n meer verenigde, versekerde en welvarende Namibië te weeg te bring wat meer vrede met homself het.”Kuugongelwa-Amadhila sê sy verwag dat die land se pogings om die ekonomie se prestasie en die maatskaplike omstandighede van Namibiërs om te keer, vanjaar meer vrugte sal afwerp.Die premier het gevra dat Namibiërs mekaar tydens vanjaar se nasionale en presidentsverkiesings sal verdra ten einde te verseker dat dié verkiesings met die gebruiklike vrede gepaard sal gaan, “waaraan ons gewoond geword het as 'n demokratiese land”.Die uitvoerende direkteur van die Instituut vir Openbare Beleidsnavorsing (IPPR), mnr. Graham Hopwood, is van mening die ekonomiese herstel van die land gaan stadig en wankelrig wees.Hoewel meer as 18 maande se resessie in baie demokrasieë 'n beduidende impak op verkiesingspatrone sou hê, sal Namibië waarskynlik 'n uitsondering wees, voorspel Hopwood.Trouens, sê hy, tradisionele kieserslojaliteit sal waarskynlik vanjaar weer aan die orde van die dag wees. “Dit is goeie nuus vir Swapo omdat hy die verkiesings gemaklik behoort te wen.”Hopwood skryf dit gedeeltelik daaraan toe dat talle Namibiërs steeds in die party glo “as die eertydse bevrydingsbeweging, wat sedert onafhanklikwording tot 'n mate vooruitgang bewerkstellig het”.Maar, maan hy, dié lojaliteit spruit ook daaruit dat lewensvatbare moontlikhede vir politieke opposisie beperk is. “Van die bestaande opposisiepartye het net die Popular Democratic Movement (PDM) 'n energieke benadering aangeneem om ondersteuning te kry. Maar baie Namibiërs is steeds skrikkerig vir die PDM omdat hulle nog nie heeltemal die juk van die DTA en die tydperk voor onafhanklikheid afgeskud het nie.”Wat betref die jongste toevoeging tot die politieke toneel, die Landless People's Movement (LPM), meen Hopwood dit sal kiesers 'n meer radikale keuse bied.Sou die LPM voldoende op voetsoolvlak belê – veral buite die suide van die land, waar hulle na verwagting goed sal vaar – kan hulle 'n wesenlike impak op opposisiepolitiek maak, sê die kenner.Hopwood sê egter hoewel Swapo weer eens by die stembusse skoonskip sal maak, behoort dit met 'n verminderde meerderheid te wees. “Die opposisie sal naas die PDM en die LPM sukkel.”Hopwood waarsku voorts daar sal 'n vertraging wees in wette wat deurgevoer sal word omdat “die verkiesing die politieke jaar sal oorheers”.Hy verwag parlementêre sessies sal onderbreek word en vroeg sluit vanweë politici se verkiesingsveldtogte. “In die verlede het die vooruitsig van verkiesings gelei tot 'n verlamming ten opsigte van die goedkeuring en deurvoer van nuwe beleid en wette. Dít lyk hierdie jaar weer waarskynlik.”Hopwood verwag vordering met grondhervorming omdat die regering sal moet wys hy is ernstig oor verlede jaar se tweede nasionale grondberaad. “Dit sal waarskynlik die totstandkoming van die kommissie van voorvaderlike grondeise insluit.”Intussen sê die politieke ontleder prof. Joseph Diescho die land bevind hom midde-in 'n groef juis omdat klem gelê word op “klankgrepe oor persoonlikhede” pleks van ernstige kwessies.

Swapo se voorsprong gaan krimp, sê kenner

Kommentaar

Republikein 2026-02-02

Meld asseblief aan om kommentaar te lewer

Swapo se voorsprong gaan krimp, sê kenner

Kommentaar

Republikein 2026-02-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.