Swapo se Sophia sê oor rasherrie
Die sekretaris-generaal het in 'n verklaring vir pres. Hage Geingob in die bresse getree.
Denver Kisting
Die sekretaris-generaal van Swapo, me. Sophia Shaningwa, voer in 'n verklaring aan die regerende party dra die belange van álle Namibiërs op die hart – ongeag ras, klas of geloofsoortuiging.
Dít kom nadat pres. Hage Geingob, Swapo se president en die staatshoof, in die spervuur beland het toe hy die afgelope naweek teen wit mense uitgevaar het wat glo nie die vrede en bestendigheid in die land koester nie.
Shaningwa sê Geingob het sedert onafhanklikwording meer as sy kant gebring wat nasiebou, insluiting en nasionale versoening betref.
“Kameraad Geingob het geveg vir die vryheid en demokrasie, wat ons tot vandag geniet. Kameraad Geingob is 'n vredemaker en 'n leier wat nog altyd demokratiese debatvoering en eenheid van Namibiërs gelei het.”
Shaningwa het ook houe gemik in die rigting van die land se politieke opposisie.
“Ons kan nie lesse ontvang van politieke partye, soos die Democratic Turnhalle Alliance (DTA)/Popular Democratic Movement (PDM) nie, wat gehelp het met die onderdrukking, ongeregtigheid en bekladding van swart mense – deur saam te span met die onwettige apartheidsregering.”
Geingob het Saterdagoggend tydens die bekendstelling van Swapo se verkiesingsveldtog onder meer gesê: “Ons het gesien wit mense wat in groot getalle registreer. Ek het dít nog nooit so gesien nie. En hulle't gesê: 'Enigiets behalwe Swapo.' Ek het daarvan kennis geneem en ek sal dit nie vergeet nie.
“Mense wat oorlog verklaar teen Swapo – Swapo wat gesorg het dat hulle vrede en eenheid geniet; gemak geniet (wat) oorlog verklaar teen Swapo. Ek het julle gehoor.”
Oor die bohaai sê Shaningwa: “Dieselfde energie wat ons probeer mors op hierdie nie-kwessie is dieselfde energie waarmee ons ons moet uitspreek teen ongelykheid en alle vorme van ongeregtighede teen die swart meerderheid, wat veroorsaak is deur 'n eeu van koloniale onderdrukking en apartheid.”
– [email protected]
Die sekretaris-generaal van Swapo, me. Sophia Shaningwa, voer in 'n verklaring aan die regerende party dra die belange van álle Namibiërs op die hart – ongeag ras, klas of geloofsoortuiging.
Dít kom nadat pres. Hage Geingob, Swapo se president en die staatshoof, in die spervuur beland het toe hy die afgelope naweek teen wit mense uitgevaar het wat glo nie die vrede en bestendigheid in die land koester nie.
Shaningwa sê Geingob het sedert onafhanklikwording meer as sy kant gebring wat nasiebou, insluiting en nasionale versoening betref.
“Kameraad Geingob het geveg vir die vryheid en demokrasie, wat ons tot vandag geniet. Kameraad Geingob is 'n vredemaker en 'n leier wat nog altyd demokratiese debatvoering en eenheid van Namibiërs gelei het.”
Shaningwa het ook houe gemik in die rigting van die land se politieke opposisie.
“Ons kan nie lesse ontvang van politieke partye, soos die Democratic Turnhalle Alliance (DTA)/Popular Democratic Movement (PDM) nie, wat gehelp het met die onderdrukking, ongeregtigheid en bekladding van swart mense – deur saam te span met die onwettige apartheidsregering.”
Geingob het Saterdagoggend tydens die bekendstelling van Swapo se verkiesingsveldtog onder meer gesê: “Ons het gesien wit mense wat in groot getalle registreer. Ek het dít nog nooit so gesien nie. En hulle't gesê: 'Enigiets behalwe Swapo.' Ek het daarvan kennis geneem en ek sal dit nie vergeet nie.
“Mense wat oorlog verklaar teen Swapo – Swapo wat gesorg het dat hulle vrede en eenheid geniet; gemak geniet (wat) oorlog verklaar teen Swapo. Ek het julle gehoor.”
Oor die bohaai sê Shaningwa: “Dieselfde energie wat ons probeer mors op hierdie nie-kwessie is dieselfde energie waarmee ons ons moet uitspreek teen ongelykheid en alle vorme van ongeregtighede teen die swart meerderheid, wat veroorsaak is deur 'n eeu van koloniale onderdrukking en apartheid.”
– [email protected]
Kommentaar
Republikein
Geen kommentaar is op hierdie artikel gelaat nie