Swapo-boek verkoop soos soetkoek

Denver Kisting – Volgens plaaslike boekwinkels kan hulle nie met die pas verskene boek Swapo Captive: A comrade’s experience of betrayal and torture voorbly nie.In ’n kennisgewing aan hul klante sê Book Den oor die boek van die oudjoernalis mnr. Oiva Angula: “Ons kan nie voorbly met die lewering nie – groter grootmaatbestellings word binnekort verwag. Laat ons asseblief weet as u ingelig wil word sodra dit aankom.”Ook Book Buddy se me. Anya Links sê dit verkoop goed: "Die verkope van Oiva Angula se boek, SWAPO Captive, is baie sterk. Hier by Book Buddy kan ek nie voorbly met bestellings nie. Ek het voorraad wat hierdie week inkom en alles is klaar uit."Angula werp in dié boek lig op die ontberings wat hy vir langer as vier jaar in die gate by Lubango in Angola gely het.Hy beweer Swapo was verantwoordelik vir die fisieke en emosionele trauma, en dat die regerende party dit glo geregverdig het deur die aangehoudenes as verraaiers te brandmerk.Hiernaas, sê hy, die stigterspresident, mnr. Sam Nujoma, het kennis gedra van die beweerde marteling en het selfs die gate in 'n stadium kortliks besoek.Angula het die afgelope naweek aan Republikein gesê het hy nog geen negatiewe terugvoering oor die omstrede boek ontvang nie. Hy is ook nog nie gedreig weens die onthullings in die boek nie.Trouens, sê hy, die reaksie was “tot dusver baie positief”.Hy sê hy het nog geen kommentaar van die regerende party oor die boek ontvang nie. “Kom ons gee hulle kans tot volgende week. Hulle moet die inhoud van die boek eers inneem.” Me. Surita Joubert, verbonde aan Angula se uitgewer, Penguin Random House in Suid-Afrika, het verlede week dié reaksie beaam: “Ons het tot dusver nog net positiewe terugvoering ontvang.”Nujoma het reeds verlede week by monde van sy uitvoerende assistent, mnr. John Nauta, gesê hy gaan nie kommentaar lewer nie. Nauta het beklemtoon aantygings oor gruweldade by Lubango is geen nuwe verwikkeling nie.

Swapo-boek verkoop soos soetkoek

Kommentaar

Republikein 2025-11-05

Meld asseblief aan om kommentaar te lewer

Swapo-boek verkoop soos soetkoek

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.