Swakste waterbesparing sedert begin van Junie

Elvira Hattingh - Windhoekers het verlede week slegs 29% water bespaar – die minste sedert die begin van Junie. Terselfdertyd bevat sentrale damme nou vir die eerste keer minder as 15 miljoen kubieke meter (Mm³) water.Sedert die Windhoekse munisipaliteit einde Mei vanjaar amptelik die nuwe besparingsteiken op 40% gestel het, het Windhoekers op die meeste 35% water in die laaste week van Junie gespaar. Die nuwe teiken is egter tot dusver nog nie bereik nie. Republikein het verlede week berig dat die driedamstelsel wat Sentraal-Namibië van water voorsien, nou sy laagste vlak sedert die bou daarvan in die 1970’s bereik het. Die Von Bach-, Swakoppoort- en Omatakodam se gemiddelde watervlakke het vandeesweek vir die eerste keer so laag as 9,6% gedaal en hou altesaam tans 14,941 Mm³ water. Dit bevat dus gesamentlik nou 0,242 Mm³ minder water as verlede week.Dit is ’n nuwe rekord.Volgens ’n grafiek wat sedert 1978 deur NamWater bygehou is, was die damstelsel vantevore die leegste ná die reënseisoen van 1981-82, toe gesamentlik net sowat 10,2% (15 900 Mm³) water oor was. Selfs ná die droogte van 1996-97, het die damme gesamentlik steeds ’n volume van 20 600 Mm³ water bevat.Daarbenewens kan die damme nie heeltemal leeggemaak word nie omdat oor die jare heen silt op die damme se bodems saamgepak het. DAMVLAKKEDie Von Bachdam het tans 19,2% (9,327 Mm³) water oor, gevolg deur die Swakoppoortdam wat 8,5% water (5,374 Mm³) water oor het. Die bykans leë Omatakodam staan nou op 0,6% (0,240 Mm³). Ander damme in en naby Windhoek hou ook nog water, met die Friedenaudam wat 28,5% vol is en tans 1,914 Mm³ water bevat en die Goreangabdam wat tans steeds 100,2% vol is en 3,630 Mm³ water bevat. Gobabis se damme is gemiddeld 24% vol, met die Otjiverodam wat nog 39% (3,829 Mm³) water oor het en die Otjivero-slikdam wat 3,5% vol is. Die Tilda Viljoendam het 29,6% (0,362 Mm³) water oor en die Daan Viljoendam 36,1% (0,155 Mm³). Die Nautedam is teen 83,7% (69,947 Mm³) die Suide se volste dam terwyl die Hardapdam tans die meeste water teen 100,244 Mm³ (34%) hou. Die Oanobdam het 31,1% (10,733 Mm³) water oor, terwyl die Dreihuk- en Bondelsdam leeg is.Die Olushandjadam is 29,1% (12,311 Mm³) vol.

Swakste waterbesparing sedert begin van Junie

Kommentaar

Republikein 2025-07-17

Meld asseblief aan om kommentaar te lewer

Swakste waterbesparing sedert begin van Junie

Kommentaar

Republikein 2025-07-17

Meld asseblief aan om kommentaar te lewer

MELD AAN

Advertensie