Swakopmund se junior burgemeester aangewys

Iréne-Mari van der Walt Die munisipaliteit van Swakopmund het onlangs die junior stadsraad vir 2021-’22 bekend gemaak, met Liam Labuschange wat met groot lof as die nuwe junior burgemeester aangewys is. Die uittredende junior burgemeester, Kaedi Schrader, het net bemoedigende woorde vir haar opvolger gehad.“Hy het nie enige swakpunte of spesifieke areas waarin hy sterk is nie, want hy is goed in alles,” sê Schrader. Sy is seker Labuschagne sal nie sy pligte as junior burgemeester ligtelik opneem nie. Labuschagne sê hy is oorweldig deur die ondersteuning wat hy ontvang het en is opgewonde om die jeugkwessies op Swakopmund te takel.Hy hoop die jeug sal nie net die rol wat hulle speel in besluitneming besef nie, maar wil hulle ook toerus met die nodige vaardighede en geleenthede om dit te kan aangryp.“Ek dink die jeug wil voortdurend hul menings lug, maar besef nie daar is sekere stappe wat gevolg moet word om ’n verskil te maak nie,” sê hy.Labuschagne is een van twee junior raadslede van Westside High School op Swakopmund. Die dogter van Swakopmund se burgemeester, Vennesa Kativa, dien saam met Labuschagne op die junior stadsraad en sal as skakelbeampte optree.Delinda Hanes van die Swakopmund-munisipaliteit sê albei die raadslede het verstommende kwaliteite en die munisipaliteit kon hulle nie deur hul vingers laat glip nie.“Ons het probeer om een raadslid van elke hoërskool te kies, maar hierdie twee het baie sterk sake gestel. Ons kon nie besluit nie, dus het ons albei gekies,” sê sy.Mbemumuna Murangi van die Hoërskool Namib sluit as adjunk- junior burgemeester by Labuschagne aan, terwyl 'n mede-Namib High-leerling die tesourier is.Coastal High spog met Emily Karunda as die sekretaresse.Die twee uitvoerende raadslede is Jenerfer Eichas van Privaatskool Swakopmund en Ethane Nawa van die Sekondere Skool Swakopmund.

Swakopmund se junior burgemeester aangewys

Kommentaar

Republikein 2025-09-11

Meld asseblief aan om kommentaar te lewer

Swakopmund se junior burgemeester aangewys

Kommentaar

Republikein 2025-09-11

Meld asseblief aan om kommentaar te lewer

MELD AAN

Advertensie