Swakara sal katalogusveiling hou
Swakarapelse kan tydens die inperkingstydperk nie na die Kopenhagen Fur-veiling geneem word nie, wat beteken die raad moes met nuwe alternatiewe vorendag kom.
Elvira Hattingh - Swakara sal op 22 April deur middel van ’n katalogusveiling aan die gereelde Kopenhagen-pelsveiling in Denemarke deelneem.
Dit kom nadat die Covid-19-pandemie, asook die feit dat lande soos Namibië onder ’n staat van inperking geplaas is, beteken dat pelse nie landuit kan gaan vir deelname aan die gesogte internasionale pelsveiling nie.
“Die pelse vlieg op kommersiële vlugte en dié is opgeskort,” het die Swakara-raad se voorsitter, me. Julene Meyer, aan Republikein gesê.
“Ons gaan dus steeds aan die veiling deelneem, net nie op die gewone manier wat fisiese inspeksies van skoulotte insluit nie. Ons het met Kopenhagen Fur onderhandel om die pelse in die vorm van ’n e-katalogus op ’n digitale platform in te sluit, saam met die ander pelstipes wat te koop aangebied sal word.
“Ons maak dus steeds gebruik van Kopenhagen Fur se dienste, wat ons internasionale bemarkingsagent is.”
Meyer verduidelik Kopenhagen Fur gaan self ook net ’n aanlyn veiling hou as gevolg van die Covid-19-pandemie. Maatreëls is van krag dat geen buitelanders Denemarke tans mag binnegaan nie, asook ’n verbod op ’n samekoms van meer as 10 persone.
“Die raad het die opsies bespreek en beskou die volgende as die beste opsie: Pelse bly Namibië en ’n katalogusveiling word gehou. Personeel sal beskikbaar wees om deur video-oproepe belangstellendes te help om deur die lotte te werk – sou hulle ’n behoefte daaraan hê,” het Meyer gesê.
Sy het bygevoeg dat September 2019 se veilingpryse as ’n riglyn vir reserwepryse sal dien, ter beskerming van produsente se inkomste, die swakara pelsmark asook kopers se balansstate.
“Kopers het aangedui hulle het tans nie ’n groot aptyt vir pelse nie.
“Covid-19 het uitgebreek drie weke nadat die verkoopseisoen vir die winter aangebreek het. Dus is pelsskoue en modeweke afgestel, terwyl hul winkels gesluit is omdat dit nie as noodsaaklike dienste in die onderskeie lande gelys is nie,” het Meyer gesê.
“Kopers wag om te sien wat die impak van Covid-19 sal wees, asook hoe sake in die reeds sukkelende pelsbedryf wêreldwyd gaan vaar.
“Ons beplan om die pelse wat verkoop direk uit Namibië te versend wanneer die inperkingstydperk verstryk,” het sy gesê.
Sy het bygevoeg die raad is daarvan bewus dat produsente se geldsake onder druk is en dat situasie tans die bedryf kan knou. Sy het produsente aangemoedig om die erns van die pandemie te besef en dat almal die maatreëls sal prioritiseer vir die “beswil, gesondheid en oorlewing van almal – veral die weerloses.”
Dit kom nadat die Covid-19-pandemie, asook die feit dat lande soos Namibië onder ’n staat van inperking geplaas is, beteken dat pelse nie landuit kan gaan vir deelname aan die gesogte internasionale pelsveiling nie.
“Die pelse vlieg op kommersiële vlugte en dié is opgeskort,” het die Swakara-raad se voorsitter, me. Julene Meyer, aan Republikein gesê.
“Ons gaan dus steeds aan die veiling deelneem, net nie op die gewone manier wat fisiese inspeksies van skoulotte insluit nie. Ons het met Kopenhagen Fur onderhandel om die pelse in die vorm van ’n e-katalogus op ’n digitale platform in te sluit, saam met die ander pelstipes wat te koop aangebied sal word.
“Ons maak dus steeds gebruik van Kopenhagen Fur se dienste, wat ons internasionale bemarkingsagent is.”
Meyer verduidelik Kopenhagen Fur gaan self ook net ’n aanlyn veiling hou as gevolg van die Covid-19-pandemie. Maatreëls is van krag dat geen buitelanders Denemarke tans mag binnegaan nie, asook ’n verbod op ’n samekoms van meer as 10 persone.
“Die raad het die opsies bespreek en beskou die volgende as die beste opsie: Pelse bly Namibië en ’n katalogusveiling word gehou. Personeel sal beskikbaar wees om deur video-oproepe belangstellendes te help om deur die lotte te werk – sou hulle ’n behoefte daaraan hê,” het Meyer gesê.
Sy het bygevoeg dat September 2019 se veilingpryse as ’n riglyn vir reserwepryse sal dien, ter beskerming van produsente se inkomste, die swakara pelsmark asook kopers se balansstate.
“Kopers het aangedui hulle het tans nie ’n groot aptyt vir pelse nie.
“Covid-19 het uitgebreek drie weke nadat die verkoopseisoen vir die winter aangebreek het. Dus is pelsskoue en modeweke afgestel, terwyl hul winkels gesluit is omdat dit nie as noodsaaklike dienste in die onderskeie lande gelys is nie,” het Meyer gesê.
“Kopers wag om te sien wat die impak van Covid-19 sal wees, asook hoe sake in die reeds sukkelende pelsbedryf wêreldwyd gaan vaar.
“Ons beplan om die pelse wat verkoop direk uit Namibië te versend wanneer die inperkingstydperk verstryk,” het sy gesê.
Sy het bygevoeg die raad is daarvan bewus dat produsente se geldsake onder druk is en dat situasie tans die bedryf kan knou. Sy het produsente aangemoedig om die erns van die pandemie te besef en dat almal die maatreëls sal prioritiseer vir die “beswil, gesondheid en oorlewing van almal – veral die weerloses.”
Kommentaar
Republikein
Geen kommentaar is op hierdie artikel gelaat nie