Swak rand, olieprys brand vir Sasol

Sasol-beleggers sal nog langer geduldig moet wees ná die petrochemiese reus se handelsverslag wat wys sy wesensverdienste per aandeel vir die boekjaar tot einde Junie gaan tussen 11% en 21% laer wees.Sasol maak op 21 Augustus sy jaarsyfers bekend, maar die aandeelprys ploeter die afgelope net meer as twee jaar wisselvallig rond in 'n breë band van R360 tot R480 nadat dit van 2012 tot middel 2014 tot 'n hoogtepunt van R645 gestyg het. Die Sasol-aandeelprys is bykans 'n spieëlbeeld van die olieprys, wat van rondom US$100 per vat van 2012 tot middel 2014 tot US$50 per vat getuimel het.Sasol waarsku die sterker rand en lae olieprys raak sy finansiële prestasie negatief, hoewel sy Secunda-aanleg rekordvolumes gelewer het. Ook sy bedrywighede in Europa en Asië het hul hoogste produksiesyfers sedert 2015 gelewer.Sasol se verdienste per aandeel gaan wel tussen 48% en 58% hoër wees as 'n jaar gelede want dit word vergelyk met die vorige jaar se verdienste per aandeel wat negatief geraak is deur 'n afskrywing van R9,9 miljard op Sasol se Kanadeese skaliegasbates.Sasol Synfuels, die aanleg by Secunda wat brandstof uit steenkool vervaardig, het sy produksievolumes in die afgelope boekjaar met 1% tot 7,83 miljoen ton verhoog. Die produksie by die olieraffinadery Natref by Sasolburg, wat Sasol saam met die Franse oliereus Total besit, het met 5% gedaal weens 'n produksiesluiting in die eerste helfte van die jaar en 'n voorval in Mei wat tot 'n onbeplande produksiestaking gelei het.Sasol se Oryx gas-tot-brandstofaanleg in Katar in die Midde-Ooste het sy benuttingskoers van 81% in die vorige boekjaar tot 95% verbeter.Sasol se verkope van chemikalieë het ook verbeter.Sasol se aandeelprys het Maandagaand op R371,93 gesluit.- Netwerk24

Swak rand, olieprys brand vir Sasol

Kommentaar

Republikein 2025-10-28

Meld asseblief aan om kommentaar te lewer

Swak rand, olieprys brand vir Sasol

Kommentaar

Republikein 2025-10-28

Meld asseblief aan om kommentaar te lewer

MELD AAN

Advertensie