Swaelsuuraanleg op Tsumeb amper voltooi

Tanja Bause - Die N$2,7 miljard se gasssuiwerings- en swaelsuuraanleg wat die afgelope 18 maande binne die smelter op Tsumeb gebou word, nader sy finale fases en die ingebruikneming daarvan is vir middel Junie beplan.Terwyl honderde werkers besig is om die finale werk te verrig aan die strukturele en meganiese aspekte van die projek, is ander besig met die installering van die laaste elektriese komponente, kabels, elektroniese moniteringstelsels en kragverbindings sodat dit op die proef gestel kan word voordat dit ingebruik geneem word.Intussen vorder die siviele werke rakende die installering van twee nuwe Peirce-Smith omsetters, wat by die swaelsuuraanleg sal inskakel sodra dit voltooi is. Die omsetters is groot silindriese oonde wat gesmelte kopermatte in ru-koper omskep. Die verplasing van die omsetter na die omsettergang sal in April plaasvind, en die installering self is vir Junie geskeduleer. Die ingebruikneming van die omsetters sal in November/Desember plaasvind. Die gassuiwerings- en swaelsuuraanleg is ? projek wat gemik is om die swaweldioksiedgas uit te skakel wat tydens die koper smeltingsproses vrygestel word. Die aanleg sal derhalwe probleme wat die swaweldioksied vir inwoners van Tsumeb veroorsaak, uit die weg te ruim.Sedert die smelter se opening in 1963, veroorsaak die gas gesondheidsprobleme vir inwoners. Sodra die aanleg ten volle operasioneel is, sal dit die swaweldioksied opvang en in swaelsuur omskep. Die swaelsuur word dan aan Namibiese uraanmyne verkoop wat dit in hul produksieprosesse gebruik. Voorheen het die myne die swaelsuur van Suid-Afrika ingevoer. Die tegnologies gevorderde aanleg kan tussen 270 000 en 340 000 ton swaelsuur per jaar vervaardig.

Swaelsuuraanleg op Tsumeb amper voltooi

Kommentaar

Republikein 2025-07-16

Meld asseblief aan om kommentaar te lewer

Swaelsuuraanleg op Tsumeb amper voltooi

Kommentaar

Republikein 2025-07-16

Meld asseblief aan om kommentaar te lewer

MELD AAN

Advertensie