Surrogaatsaak wys skuiwergate uit

Jana-Mari Smith – 'n Kanadese vrou se mislukte poging om 'n tweeling aan te neem wat vroeg verlede jaar deur 'n Namibiese surrogaatma verwek is, het Namibië se gebrek aan wetlike riglyne oor surrogaatskap onder die soeklig geplaas. Die ministerie in die presidensie verantwoordelik vir geslagsgelykheid, armoede-uitwissing en maatskaplike welsyn het onlangs bevestig dat die voorval verlede jaar aan die lig gekom het toe 'n Kanadese vrou die kinders na binnelandse sake geneem het om hul geboorte te registreer.“Die geboorte kon nie deur die aanneemouers geregistreer word nie aangesien hulle nie die biologiese ouers was nie. Die saak is na die ministerie verwys om die veiligheid van die tweeling te ondersoek.”Die ministerie het gesê “een van die tweeling was reeds nie gesond nie, en hulle is na die hospitaal geneem en later ontslaan”. Die kinderadvokaat in die kantoor van die ombudsman, me. Ingrid Husselmann, het gesê haar kantoor het 'n klag ondersoek in verband met die omstandighede van die tweeling se geboorte- en surrogaatreëlings. Terwyl Husselmann die noodsaaklikheid van die beskerming van privaatheid benadruk het, het sy bevestig dat 'n surrogaatma in hierdie geval geboorte geskenk het aan die tweeling wat uit haar sorg verwyder is en by familielede van hul biologiese ma geplaas is.'Hulle is nou veilig en gesond,' het sy bygevoeg. SKUIWERGATE'n Maatskaplike werker, wat op voorwaarde van anonimiteit gepraat het, het gesê die huidige gebrek aan omvattende surrogaatwetgewing, wat nie sulke reëlings reguleer nie, kan moontlik gebruik word om kinders en ma's uit te buit.Hoewel die owerhede verlede jaar nie kon bevestig hoeveel die Namibiese ma betaal is nie, het die maatskaplike werker gesê dat dit volgens haar kennis 'n aansienlike bedrag was.Sy het gesê die tweeling was vir 'n kort tydjie in niemandsland vasgekeer.“Daar is geen duidelike riglyne oor surrogaatskap in Namibië nie en dit is 'n ernstige probleem.”'n Ander kenner het bevestig daar was gevalle wat verdag was. “Daar is gevalle waar die reëings moontlik gebruik is met die doel om babas te verwek vir aanneming in ander lande wat 'n vorm van kinderhandel is.”Terwyl die CapeWindhoek-vrugbaarheidskliniek surrogaatdienste op sy webwerf aanbied, het die bestuurder van die kliniek, mnr. Fred Kigozi, bevestig dat surrogaatskap nie tans aangebied word nie “aangesien die wet nie hieroor duidelik is nie”. GEEN MISDAADIn die geval van die tweeling is die uiteensetting in die surrogaatskapooreenkoms nie deur die polisie ondersoek nie weens onvoldoende bewyse van kriminele voorneme of kinderhandel. Die ministerie het bevestig dat die aanneemouer wel regstappe oorweeg het “om die kinders terug te kry, maar sy het die saak later teruggetrek”.Die ministerie van binnelandse sake, immigrasie, veiligheid en sekuriteit het ontken dat enige “verdagte” sake verlede jaar hanteer is en verduidelik dat wanneer aanneemouers 'n geboorte registreer “ons slegs die surrogaat en voornemende ma sal inlig”. ADVERTEERDie ministerie sê daar is geen “omvattende wetgewing in Namibië wat voorsiening vir surrogaatskap maak nie”.Die ministerie en ander het daarop gewys dat die wet op kindersorg en -beskerming die publikasie en advertensies wat enige persoon versoek om 'n surrogaatma te wees, verbied. Boonop maak die wet deur middel van die regulering van inseminasie en in vitro-bevrugting tot 'n sekere mate voorsiening vir die regulering van ooreenkomste vir surrogaatskap.Die ministerie het gewaarsku diegene wat dié tipe ooreenkomste aangaan, doen dit op eie risiko. Terwyl plaaslike aannemings noukeurig beoordeel word, word die voornemende ouers in die geval van surrogaatskap nie beoordeel om hul geskiktheid en veiligheid as ouers te bepaal nie en dit kan daartoe lei dat kinders by gevaarlike of ongeskikte ouers geplaas word”.Die ministerie het beklemtoon dit is van kardinale belang om eers maatskaplike werkers te raadpleeg voordat reëlings vir surrogaatskap getref word en dat persone wat nie die biologiese ouers is nie, nie 'n geboorte kan registreer nie. TE HUURAanlyn soektogte het onthul dat 'n aantal Namibiërs surrogaatdienste aanbied. Die besonderhede van dié vroue word deur betaalmure beskerm.Vier-en-dertig profiele kan gevind word op die webwerf findsurrogatemother.com, waarop Namibiese vroue surrogaatdienste adverteer.Een vrou skryf dat sy reeds 'n ma van twee kinders is, maar dat hulle hoopvolle persone wil help in ruil vir geld om haar opleiding te finansier. Op 'n ander webwerf, surrogatefinder.com, is daar 43 profiele van Namibiërs.Me. Dianne Hubbard van die Legal Assistance Centre het bevestig dat geen wetlike raamwerk vir surrogaatskap in Namibië bestaan nie.“Om nie te weet hoe die howe 'n surrogaatooreenkoms sal hanteer nie, maak dit 'n waagspel.'– jana@namibiansun.com

Surrogaatsaak wys skuiwergate uit

Kommentaar

Republikein 2026-05-05

Meld asseblief aan om kommentaar te lewer

Surrogaatsaak wys skuiwergate uit

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.