Suksesvolle dwelmklopjag in Erongo

Francoise Steynberg - Die Namibiese polisie van die Erongostreek het die naweek 'n suksesvolle dwelmklopjag op Swakopmund en Walvisbaai uitgevoer. In die Mondesa-woonbuurt op Swakopmund is 'n 37-jarige man Vrydag by ’n huis met 72 pakke dagga van meer 15,3 kg in hegtenis geneem. Die pakke dagga is sowat N$153 300 werd. Hy sou gister in die landdroshof verskyn. Nóg 'n inwoner van Mondesa is weens die besit van Mandrax-tablette ter waarde van N$700 in hegtenis geneem. Ook op Swakopmund is 'n 26-jarige man in verband met die besit van Mandrax-tablette ter waarde van N$240 in hegtenis geneem, asook 'n 32-jarige man met Mandrax ter waarde van N$150. Op Walvisbaai is 'n 57-jarige vrou in Kuisebmund met 12 sakkies dagga ter waarde van sowat N$600 vasgetrek. Sy sou gister in die landdroshof op Walvisbaai verskyn saam met 'n 26-jarige man wat met twee sakkies dagga van N$100 op Walvisbaai in hegtenis geneem is. Op Katima Mulilo is 'n 27-jarige Zambiese man Vrydag omstreeks 11:30 in hegtenis geneem nadat hy glo dagga verkoop het. Volgens die Namibiese polisie se misdaadverslag is hy met 175 g dagga ter waarde van sowat N$1 750 betrap. Hy sou gister in die landdroshof op Katima Mulilo verskyn.Ook in die Zambezistreek is 'n 30-jarige polisieman en twee Namibiese vroue (albei 27) verlede Dinsdagoggend by die Cowboy-plakkerskamp op Katima Mulilo in verband met die verkoop van dagga in hegtenis geneem. Die inhegtenisneming het gevolg ná 'n lid van die publiek die polisie ingelig het dat die drie verdagtes dagga verkoop. Die polisie het die polisieman se huis deursoek en dagga van 1,8g kg ter waarde van N$1 850 gevind. Twee mans (35 en 54 jaar oud) is Vrydag omstreeks 15:30 met drie ongeslypte diamante op Rundu betrap. Die waarde daarvan is nog nie bepaal nie en die polisieondersoek duur voort.

Suksesvolle dwelmklopjag in Erongo

Kommentaar

Republikein 2025-05-08

Meld asseblief aan om kommentaar te lewer

Suksesvolle dwelmklopjag in Erongo

Kommentaar

Republikein 2025-05-08

Meld asseblief aan om kommentaar te lewer

MELD AAN

Advertensie